  Գերմանիայի ԱԳՆ ղեկավարը հուսով է, որ համագործակցությունը Հարավային Կովկասի երկրների հետ կընդլայնվի20 փետրվարի 2007 - 15:46 AMT PanARMENIAN.Net - Գերմանիայի արտգործնախարար Ֆրանկ-Վալտեր Շտայնմայերի այցը կարեւոր է ոչ միայն երկկողմ հարաբերությունների տեսակետից, այլ նաեւ Հայաստանի հետ ԵՄ Եվրոպական հարեւանության քաղաքականության ծրագրի համատեքստում: Այդ մասին Երեւանում կայացած համատեղ մամլո ասուլիսի ժամանակ հայտարարել է Հայաստանի արտգործնախարար Վարդան Օսկանյանը: Նրա խոսքերով, երկկողմ բանակցությունների ընթացքում քննարկվել են Հայաստան-ԵՄ հարաբերությունների հետ կապված հարցեր, տարածաշրջանային ծրագրեր, ինչպես նաեւ ղարաբաղյան հակամարտության կարգավորման ուղիները: «Ես իմ գործընկերոջը ներկայացրեցի կարգավորման ընթացքը եւ հնարավոր հետագա քայլերը»,-ասել է Օսկանյանը: Իր հերթին Ֆրանկ-Վալտեր Շտայնմայերը նշել է, որ Գերմանիայի, որպես ԵՄ-ում նախագահող երկրի համար, չափազանց կարեւոր է ԵՄ ծրագրի իրագործումը Եվրոպական հարեւանության քաղաքականության ծրագրով: «Բուլղարիայի եւ Ռումինիայի ԵՄ-ին անդամակցելուց հետո, Հարավային Կովկասը շատ մերձավոր եվրոպական հարեւան դարձավ: Ես հուսով եմ, որ համագործակցությունը Հարավային Կովկասի երկրների հետ կընդլայնվի ինչպես ԵՄ շրջանակներում, այնպես էլ այլ կառույցներում, մասնավորապես, Սեւծովյան տնտեսական համագործակցության կազմակերպությունում»,-ասել է Գերմանիայի ԱԳՆ ղեկավարը:   Ուշագրավ Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ   Ամենաընթերցվողը բաժնում |  Բաժիններ թեմայով Սյուժեներ Վերջին լուրեր Վրաստան այցելողների կյանքի և առողջության պարտադիր ապահովագրությունը կգործի 2026–ի հունվարի 1-ից  Դեսպանությունը պարզաբանում է ստացել Վրաստանի ԱԳՆ–իցՀՀ Ֆինանսների նախարարն ու Հնդկաստանի դեսպանը գործակցությունն ընդլայնելու պատրաստակամություն են հայտնել Կողմերն անդրադարձել են այն հիմնական ոլորտներին, որոնց ուղղությամբ նախատեսվում է զարգացնելՓաստաբան․ Աշոտ Հարությունյանը սրբազանի հորդորով դադարեցրել է հացադուլն ու ջրադուլը Նա այժմ ոչ թե մյուս ձերբակալվածների նման գտնվում է ՁՎՊ–ում, այլ հիվանդանոցումՕդի ջերմաստիճանը հունիսի 1-ին կնվազի 2-4 աստիճանով Երևանում հունիսի 2-3-ին սպասվում է առանց տեղումների եղանակ |
