Ստեփանակերտի ուռուցքաբանական կենտրոնը նախատեսվում է շահագործման հանձնել սեպտեմբերին 4 մայիսի 2016 - 12:17 AMT PanARMENIAN.Net - «Հայաստան» համահայկական հիմնադրամի և ԼՂՀ կառավարության համաֆինանսավորմամբ կառուցվում է Ստեփանակերտի ուռուցքանբանական կենտրոնը: Այս պահին լայնածավալ աշխատանքեր են ընթանում սահմանված ժամկետներում եռհարկանի շենքի շինարարությունն ավարտին հասցնելու համար: Ուռուցքաբանական կենտրոնը նախատեսվում է շահագործման հանձնել սեպտեմբերին, հաղորդում է Երկիր Մեդիան: 2015-ին սկսված շինարարության հիմնական մասը կարելի է ասել ավարտված է: Մնացել է լուծել որոշ կազմակերպչական հարցեր, ձեռք բերել ավարտական փուլի համար նախատեսված շինանյութը: Գործընթացն ավելի ակտիվ կկազմակերպվեր, եթե չլիներ սահմանային լարվածությունը, ասում է «Պանտ» ՍՊԸ գործադիր տնօրեն Սերգեյ Հարությունյանը: «Խնդիրներ շինարարության հետ կապված չկան, չհաշված վերջին շրջանում սահմանին ընթացող ռազմական գործողությունները, որոնք իրենց ազդեցությունն են թողել աշխատանքի տեմպի վրա: Կոլեկտիվի 30-40%-ը երիտասարդ աշխատուժը զինվորագրվել է: Չնայած դրան կկենտրոնացվեն բոլոր ուժերը, կաշխատենք օրուգիշեր, որ ժամանակացույցի համաձայն ընթացիկ տարվա սեպտեմբերին կենտրոնը շահագործման հանձնվի»,- ասում է Հարությունյանը: Ստեփանակերտի ուռուցքաբանական կենտրոնի շինարարությունն իրականացվում է «Հայաստան» համահայկական հիմնադրամի Ֆրանսիայի տեղական մարմնի և ԼՂՀ կառավարության համաֆինանսավորմամբ: Շենքը կզբաղեցնի մոտ 2 հազար 520 քմ մակերես: Կենտրոնում նախատեսվում է իրականացնել ուռուցքաբանության մեջ ընդունված արդի բուժական եւ ախտորոշիչ բոլոր միջամտությունները, բացառությամբ ճառագայթային բուժումից: Կենտրոնը կունենա ընդհանուր, կլինիկական պաթոմորֆիական լաբորատորիաներ, ռենտգեն ախտորոշման, մամոգրաֆիայի և մագնիսոռեզոնանսային տոմոգրաֆիայի (MRT) կաբինետներ, վիրահատարաններ և ինտենսիվ թերապիայի սենյակներ: Ստացիոնար բաժանմունքում կբուժվեն ինչպես վիրաբուժական, այնպես էլ թերապևտիկ (քիմիոթերապիա) պրոֆիլի հիվանդները: Դիսպանսերը նախատեսված է 35 հիվանդի համար: Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | Սիմոնյանը Ժնևում քննարկումներ է ունեցել Կանադայի սենատի նախագահի և Քաթարի խորհրդարանի փոխխոսնակի հետ Քննարկվել են մի շարք փոխադարձ հետաքրքրություն ներկայացնող հարցեր Միրզոյանը Նիդերլանդների ԱԳ նախարարի հետ հանդիպմանն անդրադարձել է տարածաշրջանային հարցերի Միրզոյանը շեշտել է Ալմաթիի հռչակագրի հիման վրա սահմանազատման հստակության ապահովման կարևորությունը Միրզոյանը ԵԽ մարդու իրավունքների հանձնակատարի հետ հանդիպամնն անդրադարձել է Բաքվում պահվող հայերի ազատ արձակման խնդրին Անդրադարձ է կատարվել նաև հումանիտար բնույթի հարցերի Բագրատ սրբազանը՝ վարչապետի թեկնածու առաջադրվելու մասին․ Պաշտոնական որոշում չկա Նա նշել է, որ մյուս կիրակի է հանդիպելու Ամենայն հայոց կաթողիկոս Գարեգին Երկրորդի հետ |