Մարտակերտում ավերված տների վերականգնման աշխատանքներն ավարտվում են 1 հունիսի 2016 - 15:34 AMT PanARMENIAN.Net - Մարտակերտում ապրիլյան պատերազմի հետևանքով ամբողջությամբ վնասված տների վերականգնման աշխատանքներն ավարտական փուլում են: Այս մասին հայտարարել է Մարտակերտի քաղաքապետ Միշա Գյուրջյանը, հայտնում է Panorama.am-ը: Նրա խոսքերով՝ երկու-երեք օրվա ընթացքում կավարտվեն 10 տան վերականգնման աշխատանքները: «Թշնամու արկակոծության հետևանքով Մարտակերտում բազմաթիվ տներ են վնասվել, իսկ 15 տուն՝ ամբողջությամբ ավերվել: Հրետակոծությունների հետևանքների վերացմանն ուղղված աշխատանքներն ընթանում են»,- ասաց նա: Ինչ վերաբերում է փողոցներին, քաղաքապետն ասաց, որ շուտով սկսելու են նաև որոշ փողոցների ասֆալտապատումը, նախորդ տարի ևս քաղաքի փողոցները բարեկարգվել են: «Մարտակերտում կյանքը բնականոն հուն է մտել, մարդիկ զբաղված են իրենց առօրյա հոգսերով»,- նշել է Միշա Գյուրջյանը: Ապրիլյան պատերազմի ընթացքում Մարտակերտը լուրջ վնասներ էր կրել, բազմաթիվ տներ և ենթակառուցվածքներ էին վնասվել: Ավելի վաղ հայտնի դարձավ, որ ապրիլյան քառօրյա մարտական գործողությունների օրերին Մարտակերտի տուժած բնակարաններում, հանրային նշանակության մի շարք կառույցներում ընթանում են շինարարական վերանորոգման-վերակառուցման աշխատանքները: Մասնավորապես, Վլ. Բալայանի անվան համար 1 դպրոցը պատրաստ է անցնելու նախկին ռեժիմին: Այստեղ հիմնականում ջարդվել էին կրթօջախի ապակիները, որոնք արդեն տեղադրվել են: Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | Սիմոնյանը Ժնևում քննարկումներ է ունեցել Կանադայի սենատի նախագահի և Քաթարի խորհրդարանի փոխխոսնակի հետ Քննարկվել են մի շարք փոխադարձ հետաքրքրություն ներկայացնող հարցեր Միրզոյանը Նիդերլանդների ԱԳ նախարարի հետ հանդիպմանն անդրադարձել է տարածաշրջանային հարցերի Միրզոյանը շեշտել է Ալմաթիի հռչակագրի հիման վրա սահմանազատման հստակության ապահովման կարևորությունը Միրզոյանը ԵԽ մարդու իրավունքների հանձնակատարի հետ հանդիպամնն անդրադարձել է Բաքվում պահվող հայերի ազատ արձակման խնդրին Անդրադարձ է կատարվել նաև հումանիտար բնույթի հարցերի Բագրատ սրբազանը՝ վարչապետի թեկնածու առաջադրվելու մասին․ Պաշտոնական որոշում չկա Նա նշել է, որ մյուս կիրակի է հանդիպելու Ամենայն հայոց կաթողիկոս Գարեգին Երկրորդի հետ |