Ռուս պատգամավոր. Չելիքի դատապարտումը չի կարելի գնահատել որպես հաշտեցման առաջին քայլ 8 հունիսի 2016 - 10:29 AMT PanARMENIAN.Net - Թուրքիայի քաղաքացի Ալփարսլան Չելիքի դատապարտումն ապօրինի զենք կրելու համար Անկարայի և Մոսկվայի միջև հարաբերությունների կարգավորմանն ուղղված քայլ չի լինի: Այդ մասին հայտարարել է ՌԴ Դաշնության խորհրդի միջագային կոմիտեի փոխղեկավար Վլադիմիր Ջաբարովը, հայտնում է ՌԻԱ Նովոստին: Ավելի վաղ Չելիքի փաստաբան Մուրատ Ուստյունդաղը հայտարարել էր, որ թուրքական դատախազությունը մեղադրել է Չելիքին զենքի ապօրինի պահպանման համար` նրան սպառնում է 5-8 տարվա ազատազրկում: Նա մայիսին հայտնել էր, որ պաշտպանյալից հանվել է ռուս օդաչու Օլեգ Պեշկովի սպանության մեղադրանքը: «Սա չի կարելի գնահատել որպես հաշտեցման առաջին քայլ: Նախ Թուրքիան պետք է ներողություն խնդրի ռուս օդաչուի սպանության և ինքնաթիռի խոցման համար: Ինչ վերաբերում է պատժին, ապա այս դեպքում կիրառվում է ոչ ճիշտ ձևակերլում: Մարդը սպանել է ՌԴ քաղաքացու, իսկ դատում են նրան ապօրինի զենք պահելու համար: Կարծում եմ, որ դա իրավաչափ չէ»,-ասել է Ջաբարովը «Իզվեստիա» թերթին տված հարցազրույցում: Ըստ նրա, ՌԴ պայմանները Թուրքիայի հետ հարաբերությունների կարգավորման վերաբերյալ անփոփոխ են. «Անկարան պետք է պաշտոնապես ներողություն խնդրի, ընդունի իր սխալը, պատժի մեղավորներին ու հատուցում վճարի»,-ասել է սենատորը: 2015-ի նոյեմբերի 24-ին թուքական F-16 կործանիչը ռուսական Սու-24 ինքնաթիռ է խոցել Սիրիայի հետ սահմանին: Օդաչուներից մեկին հաջողվել էր փրկել սիրիական բանակի աջակցությամբ, մյուսին` գնդակահարել են ցամաքից: Փոխգնդապետ Պեշկովը կատապուլտի միջոցով դուրս նետվելով կործանվող ինքնաթիռից, հայտնվել է ապստամբների ձեռքում` նրա ուղղությամբ կրակ են բացել ցամաքից: Թուրքիայի քաղաքացի Ալփարսլան Չելիքին ձերբակալել էին Իզմիրում ապրիլի սկզբին: Ինքը Չելիքը, բացատրելով գերի ընկած ռուս օդաչու Оլեգ Պեշկովի սպանությունը, դեկտեմբերին հայտարարել էր, որ ոչնչացումից րոպեներ առաջ նա ռմբակոծում էր իր «թուրքմեն եղբայրներին»: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիս Բաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրել Կիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել Երևանը նոր Գլխավոր հատակագիծ կունենա Դա կլինի թվայնացված փաստաթուղթ |