Կոչ Formula 1-ին՝ բարձրաձայնել Ադրբեջանում մարդու իրավունքների ոտնահարման մասին![]() 8 հունիսի 2016 - 12:05 AMT PanARMENIAN.Net - Sports for Rights իրավապաշտպան կազմակերպությունը Formula 1-ին կոչ է արել «բարելավել իր կերպարը»՝ բարձրաձայնելով Ադրբեջանում մարդու իրավունքների հետ կապված վիճակի մասին: Ադրբեջանում մարդու իրավունքներին ուշադրություն հրավիրելու նպատակով ստեղծված կազմակերպությունը կոչ է արել Formula One-ի գլխավոր տնօրեն Բերնի Էքլսթոնին դիրքորոշում հայտնել, The Guardian-ին հղումով գրում է Tert.am-ը: «Մենք կոչ ենք անում Բերնի Էքլսթոնին հրապարակային խոսել Ադրբեջանում մարդու իրավունքների հետ կապված խնդիրների մասին և կոչ անել ազատ արձակել քաղբանտարկյալներին: Մենք բաց նամակ ենք գրել նրան, և դեռևս պատասխան չի ստացվել»,- ասել է Sports for Rights-ի արշավների համակարգող Ռեբեկա Վինսենթը: Նա նշել է, որ Էքլսթոնն այնպիսի դիրքում է, որ կարող է մի բան անել: «Սա Formula One-ի կերպարը բարելավելու և Ադրբեջանում մարդկանց օգնելու հնարավորություն է՝ պարզապես շահ ստանալու և կոռումպացված մարդկանց օգնելու փոխարեն»,- ասել է Ռեբեկա Վինսենթը: «Մենք չենք խնդրում նրանց չեղյալ հայտարարել մրցարշավը, մենք կոչ չենք անում մարդկանց չգնալ: Մենք խնդրում ենք պարոն Էքլսթոնին օգտագործել այն՝ դիրքորոշում հայտնելու համար: Նա անցած տարի ասել էր, որ Ադրբեջանում չկան մարդու իրավունքների հետ կապված խնդիրներ, և մարդիկ այնտեղ ուրախ են թվում: Հարկավոր է ընդամենը հինգ րոպե Google-ում տեսնելու համար, թե ինչ է տեղի ունենում իրականում»,- նշել է նա: Formula 1-ի Գրան պրիի բացումն Ադրբեջանում կայանալու է հունիսի 19-ին: Կարդացեք նաև՝ Left Foot Forward. Լոնդոնի 8 միջոցը՝ օգնելու Ադրբեջանի ավազակապետությանը HRW իրավապաշտպան. Formula 1-ը քողարկում է Ադրբեջանի մարդու իրավունքների ճգնաժամը ![]() ![]() Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ ![]() ![]() ![]() | ![]() ![]() ![]() ![]() ![]() ![]() ![]() ![]() |