Հարցում ՀՀ-ում. ՌԴ-ն ապրիլյան պատերազմը հրահրող է համարում 17%-ը, ԱՄՆ-ն՝ 14.5%-ը14 հունիսի 2016 - 16:38 AMT PanARMENIAN.Net - Ապրիլյան ռազմական գործողությունների վերաբերյալ հասարակության գերակշիռ մասը` 85.1 տոկոսը տեղեկատվություն է ստացել հեռուստատեսությունից: Դրա մասին են վկայում Gallup International ասոցիացիայի անցկացրած հարցման արդյունքները: «Մեր հարցումների համաձայն՝ 85.1 տոկոսը տեղեկատվություն է ստանում հեռուսատատեսությունից, 44 տոկոսը՝ Facebook-ից, 43.8 տոկոսը՝ շրջապատից, 19.7 տոկոսը՝ ՊՆ մամուլի քարտուղար Արծրուն Հովհաննիսյանի Facebook-յան էջից և 15.1 տոկոսը` լրատվական կայքերից»,- ասել է Gallup International ասոցիացիայի՝ Հայաստանում ներկայացուցչության տնօրեն Արամ Նավասարդյանը, գրում է Panorama.am-ը: Հասարակության գերակշիռ մասը կարծում է, որ ապրիլյան հարձակումը հրահրված էր 3-րդ ուժի, պետության կողմից: «Հարցվածների 81.3 տոկոսը պատասխանել է, որ հրահրողը Թուրքիան է, 33 տոկոսը՝ հենց Ադրբեջանը և 17 տոկոսը կարծում է, որ ապրիլյան հարձակումը հրահրել է Ռուսաստանը, 14.5 տոկոսը՝ ԱՄՆ-ն, 1.1 տոկոսը՝ եվրոպական երկրները»,- ասել է Նավասարդյանը, գրում է Aravot.am-ը (hարցվողները հնարավորություն են ունեցել ընտրել միանգամից մի քանի տարբերակ): Հարցվողների 86.4 տոկոսը կարծիք է հայտնել, որ ապրիլյան ռազմական գործողությունների կրկնությունը հնարավոր կլինի բառացել նոր զինտեխնիկայի ձեռքբերմամբ: «38.1 տոկոսը պատասխանել է, որ կրկնությունը հնարավոր կլինի բացառել բանակում կոռուպցիայի վերացմամբ, 29 տոկոսը՝ բարձրացնելով զինծառայողների պատրաստվածությունը, 20.5 տոկոսը՝ ավելացնելով պայմանագրայինների քանակը»,- հայտնել է Նավասարդյանը: Նա նաև տեղեկացրել է, որ հարցվածների 82%-ը պատերազմական գործողությունների դեպքում պատրաստ է միանալ գործողություններին: Հարցումն անցկացվել է ապրիլյան պատերազմից հետո՝ մայիսի 13-24-ը, ՀՀ ամբողջ տարածքում չափահաս 1.106 քաղաքացու շրջանում: Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց Շենքի շուրջբոլորը ոստիկանությունը պատնեշներ է տեղադրել Ամենաընթերցվողը բաժնում | Երևանում կկայանա ՀՀ-ԱՄՆ ռազմավարական երկխոսության ամփոփիչ նիստը Նիստի ավարտին կհրապարակվի ամփոփիչ հայտարարություն Իրանի նախագահի ընտրություններին 6 թեկնածու կմասնակցի Ցուցակը հաստատել է Իրանի Սահմանադրության պահապանների խորհուրդը Ալեն Սիմոնյան․ ՌԴ իշխանությունը «գցել» է Հայաստանին և հայ ժողովրդին Նա նշել է, որ թեթև նախանձով էր նայում, թե ինչպես ԱՄՆ-ի նավատորմը մոտեցավ Իսրայելի սահմաններին և սկսեց խոցել հրթիռները Մարզերում գործող բիզնեսի և անհատների համար Ամերիաբանկը մշակել է աշխատավարձային հատուկ առաջարկ Մարզային ընկերությունները փաթեթի շրջանակում կարող են անվճար բացել ցանկացած արժույթի բանկային հաշիվներ |