Շոյգու. ՌԴ-ն կզարգացնի Ադրբեջանի հետ ռազմական գործակցությունը15 հունիսի 2016 - 13:39 AMT PanARMENIAN.Net - Ռուսաստանն ու Ադրբեջանը կզարգացնեն ռազմական գործակցությունը: Այդ մասին հայտարարել է ՌԴ ՊՆ ղեկավար, բանակի գեներալ Սերգեյ Շոյգուն իր ադրբեջանցի պաշտոնակից Զաքիր Հասանովի հետ հանդիպմանը: «Մեր ռազմական գործակցությունը ռազմավարական բնույթ է կրում: Ինչ վերաբերում է 2016 թ., ապա այն բավականին հագեցած է: Կարծում եմ, որ ներուժ կա աճի ու զարգացման համար: Անշուշտ, մենք ամեն ինչ կանենք, որպեսզի մեր բարեկամական ռազմավարական գործակցությունն ու կապերը զարգանան»,-նշել է Շոյգուն: Երկու նախարարի հանդիպմանը քննարկվել են նաև միջազգային անվտանգության հարցեր, այդ թվում Անդրկովկասում և Կասպից ծովում: Ադրբեջանի ՊՆ ղեկավարն իր հերթին ասել է, որ 2016-ին մոտ 90 ադրբեջանցի սպա կսովորի ՌԴ ռազմական բուհերում, հայտնում է ՌԻԱ Նովոստին: Ավելի վաղ ՌԴ ՊՆ ղեկավար, բանակի գեներալ Սերգեյ Շոյգուն ՀՀ իր պաշտոնակից Սեյրան Օհանյանի հետ հանդիպմանը հայտարարել էր, որ 2016-ին ավելի քան 200 հայ զինվորական ուսուցում կստանա ՌԴ ռազմական բուհերում: «Մեր գործակցության տեմպերն ու հագեցվածությունը գոհացնում են մեզ: Մենք գործակցում ենք բոլոր ուղղություններով, առանձին կարող եմ նշել կրթության ոլորտը` մեծ թվով հայ սպաներ են սովորում մեր ուսումնական հաստատություններում»,-ասել է ՌԴ նախարարը: Հունիսի 14-ին Մոսկվայում տեղի է ունեցել ՀՀ պաշտպանության նախարարի առաջին տեղակալ Դավիթ Տոնոյանի հանդիպումը ՌԴ պաշտպանության նախարարի տեղակալ Անատոլի Անտոնովի հետ: Հանդիպման ընթացքում քննարկվել են հարավկովկասյան տարածաշրջանում անվտանգության և կայունության ապահովման, ինչպես նաև երկու պետությունների միջև ռազմական և ռազմատեխնիկական համագործակցության հետ կապված մի շարք հարցեր, հայտնում է ՊՆ մամուլի ծառայությունը: Մոսկվայում անցնում է ԱՊՀ ՊՆ ղեկավարների խորհրդի նիստը, որին մասնակցում են ՀՀ, Բելառուսի, Ղազախստանի, Ղրղզստանի, ՌԴ, Տաջիկստանի, Ուզբեկստանի և Ադրբեջանի ՊՆ պատվիրակությունները: Ընթերցեք նաև. Ավելի քան 200 սպա կշարունակի ուսումը ՌԴ ռազմական բուհերում Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | ԻՆԳՈ-ն ապահովագրել է Career Сity Fest 2K24-ը և ներկայանում է շուկայում առաջին՝ միջոցառումների ապահովագրման պրոդուկտով Ապահովագրության պայմաններն ընտրվում են՝ հաշվի առնելով յուրաքանչյուր իրադարձության առանձնահատկությունները Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել |