Պապը կրկին ասում է «ցեղասպանություն»՝ շեղվելով նախապես պատրաստված ելույթից

PanARMENIAN.Net - Հռոմի պապ Ֆրանցիսկոսը կրկին օգտագործել է «ցեղասպանություն» բառն` Օսմանյան թուրքիայի կողմից հայերի ոչնչացումը բնութագրելիս:

New York Times պարբերականը նշում է, որ Պապը շեղվել է իր նախապես պատրաստված «զգուշավոր դիվանագիտական» ելույթից, ավելացնելով «ցեղասպանություն» թեմինը «ողբերգություն» որակումից հետո:

«Տխուր է, որ այս ողբերգությունը, այս ցեսասպանությունն առաջինն էր 20-րդ դարի մարդկության աղետներից, որոնք հնարավոր դարձան ուղեղները մթագնած ռասայական, գաղափարախոսական ու կրոնական նպատակների իրագործման պատճառով», - ասել է նա:

Նույն եզրույթը Ֆրանսիսկոսն օգտագործել էր 2015 թվականի ապրիլի 12-ին Հայոց ցեղասպանության զոհերի հիշատակի արարողության ժամանակ: Նա հայտարարել էր նաև, որ Հայոց ցեղասպանությունը, նացիզմն ու ստալինիզմը 20-րդ դարի մեծագույն հանցագործություններն են:

Կարդացեք նաև. Հռոմի պապը՝ նախագահին. Պատմության ամենաողբերգական պահերին Քրիստոսի մեջ վեր հառնելու ուժ եք գտել