Վերնիսաժում վերակառուցման ու արդիականացման աշխատանքների 1-ին փուլն է27 հունիսի 2016 - 16:53 AMT PanARMENIAN.Net - Երևանի քաղաքապետարանում հունիսի հունիսի 27-ին կայացած աշխատանքային հերթական խորհրդակցության ժամանակ զեկուցվել է, որ սահմանված ժամանակացույցի համաձայն, շարունակվում են Վերնիսաժի տարածքի վերակառուցման, արդիականացման, կանոնակարգման ու բարեկարգման ծրագրով նախատեսված առաջին փուլի աշխատանքները: Մարտի 14-ին քաղաքապետ Տարոն Մարգարյանը հանձնարարել էր գլխավոր ճարտարապետին, ինչպես նաև «Երևաննախագիծ» ՓԲԸ-ին Վերնիսաժի տարածքի վարձակալի հետ քննարկել Վերնիսաժի վերակառուցման ծրագիրը: Բարեկարգման ծրագրի էսքիզային 4 տարբերակ է ներկայացվել: Նշվել է, որ արդեն ավարտին է մոտենում տարածքի սալահատակի փոխարինումը, զուգահեռ տեղադրվում են նաև առևտրային տաղավարները: Հաշվի առնելով տարածքի բարեկարգման առնչությամբ հանրային հետաքրքրությունը՝ քաղաքապետ Տարոն Մարգարյանը հանձնարարել է հանրությանը մանրամասնորեն ներկայացնել հանրային լսումների արդյունքում ձևավորված վերջնական նախագիծն ու իրականացվող աշխատանքների ընթացքը: Շինարարության և բարեկարգման վարչության պետը զեկուցել է, որ վարչական շրջաններում ընթանում են փողոցների, մայթերի, բակային տարածքների ասֆալտբետոնե ծածկի ընթացքիկ նորոգման, փոսալցման ու ճաքալցման աշխատանքները: Մարգարյանը հանձնարարել է խստորեն հետևել աշխատանքների ընթացքին: «Ամենօրյա հսկողության տակ պահեք մայրաքաղաքի տարբեր հատվածներում ընթացող շինարարական և բարեկարգման աշխատանքների ընթացքն ու խստորեն հետևեք որակին: Անորակ աշխատանքներն անմիջապես պետք է դադարեցվեն ու համապատասխան քայլեր ձեռնարկվեն բոլոր նրանց նկատմամբ, ովքեր կփորձեն շեղվել մեր առաջադրած պահանջներից: Շինհրապարակների պատշաճ կազմակերպումն ու կահավորումը ևս պահեք մշտական հսկողության տակ ու այդ հարցում նույնպես եղեք հետևողական»,-ընդգծել է Մարգարյանը: Քաղաքաշինության և հողի վերահսկողության վարչության պետը զեկուցել է, որ մայրաքաղաքում ապօրինի շինարարության և հողազավթումների հայտնաբերման ու կանխման ուղղությամբ տարվող ամենօրյա հսկողության հետևանքով նախորդ շաբաթ իրավախախտման 9 դեպք է հայտնաբերվել, կազմվել են վարչական արձանագրություններ: Մեկ հասցեում իրականացվել են ապօրինի շինության քանդման աշխատանքներ: Հանձնարարվել է շարունակել այդ ուղղությամբ մշտական հսկողությունը: Զեկուցվել է, որ, համաձայն քաղաքապետի հանձնարարականի, արդեն իսկ ձևավորվել է աշխատանքային խումբ, որն իրականացնում է հողի և գույքի վարձակալության, ինչպես նաև կառուցապատման միասնական բազաների ճշգրտման աշխատանքները: Նաև զեկուցվել է, որ կազմվում է Երևան համայնքի սեփականություն հանդիսացող գույքի 2017թ. ցանկը։ Կարդացեք նաև՝ Վերնիսաժի մի հատված հուլիսի 1-ից կփակվի. Հագուստի վաճառքի վայրը կարող է փոխվել Ինչպիսին կարող է դառնալ Վերնիսաժը. Նոր տաղավարներ` ավանդական ցուցանմուշների համար Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը | Վարչապետ․ Սահմանազատված հատվածներում ապահովված է անվտանգության հնարավոր ամենաբարձր երաշխիքը Նա ընդգծել է, որ ժամանակակից աշխարհում չկա անվտանգության ավելի գործուն երաշխիք «ՍոֆթԿոնստրակտ»-ը ՀՀ 11-րդ խոշոր հարկատուն է 2024-ի առաջին եռամսյակում «ՍոֆթԿոնստրակտի» կողմից վճարված հարկերի ծավալը գերազանցել է 3․6 մլրդ դրամը Փաշինյանը՝ Բագրատ սրբազանի հետ հանդիպման մասին․ Ինձ հետ հանդիպելու ընթացակարգեր կան Նա ասել է, որ բաց է հանդիպումների համար OVIO-ն պաշտոնապես գործարկել է ՀՀ-ում խոշորագույն և ամենահզոր Տվյալների մշակման կենտրոնը Ամպային ծառայությունները ընկերության առաջարկների շարքում առանցքային տեղ կզբաղեցնեն |