Գետավանում և Կոճողոտում համայնքային կենտրոններ են կառուցվում՝ ֆրանսահայերի օժանդակությամբ30 հունիսի 2016 - 14:51 AMT PanARMENIAN.Net - Վարդենիս-Մարտակերտ մայրուղու շինարարությանը զուգահեռ Հայաստան համահայկական հիմնադրամը ենթակառուցվածքային ծրագրեր է իրականացնում ճանապարհի երկայնքով ընկած բնակավայրերում: Այդ համայնքներից է նաև ճանապարհային խաչմերուկում գտնվող Գետավանը (ԼՂՀ Մարտակերտի շրջան), որտեղ Հիմնադրամը Ֆրանսիայի իր տեղական մարմնի և ԼՂՀ կառավարության համաֆինանսավորմամբ համայնքային կենտրոն է կառուցում: Երկհարկանի նորակառույցում համալիր կգործեն գյուղապետարանը, գրադարանը, խաղասրահը, 150 հոգու համար նախատեսված հանդիսությունների սրահը: Կենտրոնը ոչ միայն կծառայի Գետավանի և հարակից համայնքների կարիքներին, այլև, անհրաժեշտության դեպքում, իր դերակատարումը կունենա նաև ճանապարհով երթևեկողների համար: Մոտ 400 բնակիչ ունեցող համայնքը հիմնադրամի շնորհիվ ունի նաև կանոնավոր ջրամատակարարում: Գյուղապետ Արարատ Զաքարյանի խոսքով՝ համայնքը երիտասարդացման միտում ունի. «Գնալով աճում է երեխաների թիվը, այս տարի արդեն 7 ծնունդ ունենք, նույնքան էլ սպասում ենք մինչև տարեվերջ: Ճանապարհի լիարժեք գործարկումն էլ, վստահ ենք, նոր հնարավորություններ կստեղծի համայնքի բնակիչների համար»: Ֆրանսիայի մեր հայրենակիցների օժանդակությամբ ներկայումս նմանօրինակ կենտրոն է կառուցվում նաև ճանապարհից 2 կմ հեռավորության վրա գտնվող Կոճողոտ համայնքում: Կենտրոնը վեր է հառնում համայնքի դպրոցի կողքին, որի կառուցումը մեկ տասնամյակ առաջ ևս հովանավորել են ֆրանսահայերը: Ընդհանուր առմամբ՝ Ֆրանսիայի տեղական մարմնի հովանավորությամբ Արցախում ինը համայնքային կենտրոն է կյանքի կոչվել: Ճանապարհին հարակից Վանք, Չարեքթար, Չափար գյուղերում էլ Հիմնադրամն առանձնատներ է կառուցում այդ համայնքների բազմազավակ ընտանիքների համար: Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց Շենքի շուրջբոլորը ոստիկանությունը պատնեշներ է տեղադրել Ամենաընթերցվողը բաժնում | ՌԴ ԱԳՆ․ ՀԱՊԿ-ը կվերանայի 2024-ի բյուջեն, քանի որ ՀՀ–ն հրաժարվում է վճարել անդամավճարը Մշակվում է Հավաքական անվտանգության խորհրդի որոշման նախգիծը Ըստ Բաքվի՝ Նախիջևանի՝ ՀՀ–ին սահմանակից հատվածում ադրբեջանցի զինծառայող է անհետացել Նշվում է, որ նա կորել է անհայտ հանգամանքներում Նոր Նորքի թաղապետը՝ Զախարովային․ ՌԴ-ն չի կարող հաղթել Ուկրաինային Նա ասել է, որ անհրաժեշտության դեպքում պատրաստ է կրկին այցելել Բուչա Մոսկվան բողոքի նոտա է հղել Երևանին ՀՀ դեսպանի` Բուչա այցի կապակցությամբ Մոսկվան դա որպես ոչ բարեկամական քայլ է որակել |