Հրեա ցեղասպանագետ. Հերքելով Հայոց ցեղասպանությունը Իսրայելը անարգում է նաև Հոլոքոստի զոհերի հիշատակը 5 հուլիսի 2016 - 15:28 AMT PanARMENIAN.Net - Իսրայելական Haaretz պարբերականի սյունակագիր, հայտնի ցեղասպանագետ Յաիր Աուրոնը, ով տարիներ շարունակ աշխատել է աշխարհում Հայոց ցեղասպանության ճանաչման հարցի ուղղությամբ, անդրադարձել է հրեական պետության կողմից Հայոց ցեղասպանությունը ճանաչելու թեմային` ներկայացնելով իր վերլուծությունն ու կանխատեսումները։ «Իսրայելն աշխարհի քիչ ժողովրդավարական պետություններից է, եթե ոչ միակը, որն աջակցում է Թուրքիայի` Հայոց ցեղասպանության համառ ժխտողական քաղաքականությանը»,-սկսում է հոդվածագիրը` հիշեցնելով, որ մայիսի 31-ին` Գերմանիայի Բունդեսթագի կողմից Հայոց ցեղասպանության պաշտոնապես ճանաչումից օրեր առաջ, տվյալ հարցը պետք է քննարկման դրվեր նաև Իսրայելի խորհրդարանում` Քնեսեթում: Իսրայելի Քնեսեթում հուլիսի 5-ին Հայոց ցեղասպանության հարցով քննարկում է տեղի ունենալու: Իսրայելը նախկինում ձեռնպահ էր մնում Հայոց ցեղասպանության թեմայով հանրային քննարկումներից և ազատ քվեարկությունից «Այնուհանդերձ` քննարկումը հետաձգվեց երկրի արտգործնախարարության ճնշման ներքո: Այս քննարկումը մեծ կարևորություն ունի Իսրայելի կողմից Հայոց ցեղասպանության պաշտոնապես ճանաչման համար տարիներ շարունակ մղված պայքարում: Նախկինում ես լիահույս էի, որ եթե Իսրայելի կառավարությունը չճանաչի, ապա գոնե Քնեսեթը վերջիվերջո կճանաչի այն: Բայց այժմ` Թուրքիայի հետ հարաբերությունների բարելավման ֆոնին, Հայոց ցեղասպանության ճանաչման շանսերն ակնհայտորեն նվազել են: Եվ ի վերջո, ո՞վ վտանգի տակ կդնի նոր ձեռք բերված համաձայնագիրը` մեկ այլ ազգի ցեղասպանության լինել կամ չլինելու «աննշան» հարցի պատճառով»,-շարունակում է հեղինակը` ևս մեկ անգամ ընդգծելով, որ Անկարայի հետ հարաբերությունների բարելավման պարագայում աստիճանաբար ի չիք են դառնում հույսերն առ այն, որ գոնե Քնեսեթը կճանաչի Հայոց ցեղասպանությունը, գրում է Tert.am-ը: Այնուհետև Աուրոնը հիշեցնում է, որ Իսրայելի գործող նախագահ Ռեուվեն Ռիվլինը նախկինում բարձրաձայնել է այս հարցի շուրջ իր դիրքորոշումը` իր զորակցությունը հայտնելով տառապյալ հայ ժողովրդին: Բացի այդ, Քնեսեթի խոսնակ եղած ժամանակ նա ասել է, որ Իսրայելը պարտավոր է ճանաչել Հայոց ցեղասպանությունը: Սակայն հոդվածագիրն ամոթալի է համարում այն փաստը, որ նախագահի պաշտոնում ընտրվելուց հետո Ռիվլինը չի կրկնել նախկինում արած հայտարարություններն ու սահմանափակվել է` ասելով միայն. «Ես միտքս չեմ փոխել»: «Քնեսեթում կայանալիք քննարկումը մեծ հետաքրքրություն կառաջացնի աշխարհում` իհարկե նախևառաջ հայերի ու հայկական սփյուռքի շրջանում: Ցեղասպանության ճանաչումը կարևոր քայլ է, սակայն ցինիկ քաղաքական գործիչները շարունակում են քողարկել ճշմարտությունը»,- գրում է նա։ Հրեա ցեղասպանագետը եզրակացնում է, որ Իսրայելի կողմից ճանաչումը, հավանաբար, կհանգեցնի նրան, որ Հայոց ցեղասպանությունը կճանաչվի ամբողջ աշխարհում: Եթե Իսրայելը նման կերպ վարվի, ապա ԱՄՆ-ի նախագահ Բարաք Օբաման այլևս չի կարողանա մի կողմում քաշված մնալ: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |