Հայաստանի բասկետբոլի Մ18 տարեկանների հավաքականը` ԵԱ C դիվիզիոնի հաղթող

13 հուլիսի 2016 - 22:05 AMT

PanARMENIAN.Net - Վրաստանի մայրաքաղաք Թբիլիսում կայացած բասկետբոլի Եվրոպայի C դիվիզիոնի առաջնության եզրափակչում Հայաստանի հավաքականը մրցեց Վրաստանի թիմի հետ:

Մինչև 18 տարեկանների ազգային թիմն առաջին քառորդում ուներ 20 միավորի առավելություն: Երկրորդ քառորդից հետո թիմերը հանգստի գնացին 36:10 հաշվով հօգուտ Հայաստանի: Հաջորդ երկու քառորդում` մինչև հանդիպման ավարտը, Վահագն Հարությունյանի սաները ակնհայտ առավելություն ունեին և հաղթեցին 66:32 հաշվով:

Հանդիպման ամենաարդյունավետ խաղացողը Դիանա Ռամազյան էր` 19 միավոր, տեղեկացնում է ՀՀ ազգային օլիմպիական կոմիտեի մամուլի ծառայությունը:

Եվրոպայի առաջնության C դիվիզիոնի խմբային փուլի առաջին խաղում մինչև 18 տարեկանների Հայաստանի հավաքականը հաղթել է Անդորրայի թիմին:

C դիվիզիոնի խմբային փուլի երկրորդ խաղում կանանց հավաքականը մրցում էր Ուելսի թիմի հետ: Հայաստանի ընտրանին առաջին քառորդում գերազանցել է մրցակցին 11:8 հաշվով: Երկրորդ քառորդում հավաքականը մեծացրել է առավելությունը` 33:16: Վահագն Հարությունյանի սաները առաջ էին հաշվի մեջ նաև հաջորդ երկու քառորդներում և ի վերջո հաղթեցին 70:28 հաշվով: Այդ խաղում Հայաստանի հավաքականի կազմում ամենաարդյունավետը Աննա Ասլանյանն էր` 20 միավոր:

Կիսաեզրափակչում Հայաստանի հավաքականը մրցում էր Մալթայի թիմի հետ: Առաջին երկու քառորդներից հետո Վահագն Հարությունյանի սաները հաղթում էին 26:15 հաշվով: Հաջորդ երկու քառորդներից հետո հավաքականը պահպանեց առավելությունը և ի վերջո հաղթեց 59:42 հաշվով:

Հուլիսի 3-ին, բասկետբոլի Հայաստանի տղամարդկանց հավաքականը, առաջին անգամ մասնակցելով Եվրոպայի փոքր երկրների առաջնությանը, արժանացել է չեմպիոնի կոչմանը՝ եզրափակչում հաղթելով առաջնության գործող չեմպիոն Անդորրային:

Հղումներ թեմայով.

Բասկետբոլի Հայաստանի մինչև 18 տարեկանների հավաքականը` Եվրոպայի առաջնության C դիվիզիոնի հաղթող. Armnoc.am