ԱԳ փոխնախարար. Ղարաբաղյան հարցում միակողմանի զիջումներ չեն լինելու 4 օգոստոսի 2016 - 14:34 AMT PanARMENIAN.Net - ՀՀ արտաքին գործերի փոխնախարար Շավարշ Քոչարյանը հստակ չի պատասխանել հարցին, արդյոք նախագահ Սերժ Սարգսյանն ի նկատի ուներ ԼՂՀ ներկայիս, թե ԼՂԻՄ-ի սահմանները, խոսելով այն մասին, որ Լեռնային Ղարաբաղի վերադարձն Ադրբեջանի կազմ բացառված է: «Առաջին, որ միակողմանի զիջումներ ընդհանրապես չեն լինի, իսկ երկրորդ՝ բացառվում է, որ Լեռնային Ղարաբաղը լինի Ադրբեջանի կազմում: Իր ասածը շատ հստակ է»,-ասել է նա, գրում է tert.am-ը: Ըստ փոխնախարարի, այդ հայտարարությունն արվել է ոչ թե ի պատասխան արտաքին ազդակների, այլ՝ ներքին: Շավարշ Քոչարյանը անհասկանալի համարեց տարածքներ հանձնելու վերաբերյալ հարցերը: «Մի՞թե եղել է Ադրբեջանի կողմից հայտարարություն, որ իրենք պատրաստ են իրենց գրաված ԼՂՀ տարածքները վերադարձնել։ Եթե ոչ, ապա ինձ համար անհասկանալի է, երբ լրագրողների կողմից խոսվում է միակողմանի զիջումների մասին»,-ասաց նա։ Փոխնախարարը դժվարացել է պատասխանել հարցին, թե «Սասնա ծռերի» գործողություններն ինչպես կանդրադառնան ղարաբաղյան հակամարտության կարգավորման ընթացքի վրա: ՀՀ նախագահ Սերժ Սարգսյանը օգոստոսի 1-ին մշակույթի, առողջապահության ոլորտի, , հասարակական, քաղաքական գործիչների հետ հանդիպման ժամանակ բացառել էր Լեռնային Ղարաբաղի վերադարձը Ադրբեջանի կազմ: «Լեռնային Ղարաբաղը երբեք չի լինելու Ադրբեջանի կազմում: Բացառվում է: Մեկ անգամ ևս կրկնում եմ՝ բացառվում է: Ես իմ ողջ գիտակցական կյանքը իրականում նվիրել եմ այս խնդրին: Եվ իմ ժողովրդի համար ընդունելի տարբերակի հասնելու համար միշտ պատրաստ եմ եղել զոհաբերել ոչ միայն ցանկացած պաշտոն, այլև կյանքս: Դա այդպես է եղել երեկ, այդպես է այսօր, այդպես է լինելու վաղը»,- ասել էր նա: Ուշագրավ Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Ամենաընթերցվողը բաժնում | Հենաշարժողական խնդիրներով անձանց համար Երևանի 9 հասցեում հատուկ վերելակներ կտեղադրվեն Մայրաքաղաքում նախատեսվում է կառուցել մոտ 500 թեքահարթակ Ռյաբկով․ ՌԴ-ին արևմտյան զենքերով հարվածելու դեպքում հետևանքները կարող են ճակատագրական լինել Նա կոչ է արել ԱՄՆ–ին չթերագնահատել այն պատասխանի լրջությունը, որը կարող են ստանալ Առաջին անգամ հասանելի են ակնթարթային փոխանցումներ СБП-ի միջոցով ՌԴ 190 բանկից ՀՀ Փոխանցումները կատարվում են 0% միջնորդավճարով ԱԳՆ շենքի մոտից բերման ենթարկված 27 քաղաքացին ազատ է արձակվել Քննչական կոմիտեն նրանց կասկածում էր առևերույթ զանգվածային անկարգությունների մասնակցելու մեջ |