ԻՊ-ն ստանձնել է մերձմոսկովյան Բալաշիխայում ոստիկանների վրա հարձակման պատասխանատվությունը19 օգոստոսի 2016 - 12:08 AMT PanARMENIAN.Net - Ահաբեկչական «Իսլամական պետությունը» ստանձնել է ՌԴ Մոսկովյան շրջանում ոստիկանության ճանապարհապարեկային ծառայության հենակետի վրա հարձակման պատասխանատվությունը: Այդ մասին հայտնում է Site Intelligence Group գործակալությունը, որը հետևում է խմբավորման ակտիվությանը համացանցում: Հարձակումը տեղի է ունեցել օգոստոսի 17-ին մերձմոսկովյան Բալաշիխայում: Ոստիկանության աշխատակիցների վրա 2 զինյալ է հարձակվել` նրանք զինված էին հրազենով և կացիններով: Իրավապահ մարմիններին հաջողվել է սպանել նրանցից մեկին գրոհի ժամանակ, երկրորդը սպանվել է ձերբակալությանը դիմադրելիս: Հարձակման արդյունքում վիրավորվել է ոստիկանության կապիտան Միխայիլ Բալակինը և լեյտենանտ Նիկոլայ Դրոզդը: Այժմ նրանք հիվանդանոցում են: Ըստ «Կոմերսանտի», հարձակվողներն էին ծնունդով Չեչնիայից 21-ամյա Ուսման Մուրադովը և 18-ամյա Սուլիմ Իսրաիլովը: ՌԴ ՆԳՆ պաշտոնական ներկայացուցիչն ասել է, որ հանցագործները ծնունդով Միջին Ասիայից են: Ըստ քննության, նրանց նպատակն էր զենքի զավթումը: Ըստ վարկածներից մեկի, նրանք կարող էին կապված լինել նաև ասյպես կոչված անտառայինների` ապօրինի զինված խմբավորումների մասնակիցների հետ, հայտնում է ՌԲԿ-ն: «Իսլամական պետություն» խմբավորումը, որը մինչև վերջերս կոչվում էր «Իրաքի և Լևանտի իսլամական պետություն» (ISIS), իրաքյան սունիների ապստամբ խմբերի գլխամասային կազմակերպությունն է, որը ստեղծվել է 2006 թ. հոկտեմբերի 15-ին: Խմբավորումը իշխանության հավակնություններ ունի 18 իրաքյան գավառներից 8-ում, որտեղի բնակչությունը հիմնականում սունիներ են: Կազմակերպության ստեղծմանը մասնակցել է «Ալ Քայիդան» և նրա հետ կապված «Շուրա մոջահեդների խորհուրդը»: Գլխավոր նպատական է օկուպանտների և նրանց դաշնակիցների արտաքսումը և իսլամական շարիաթական պետության ստեղծումը Իրաքի սունիների գավառներում: 2010 թվականի մարտին ավիահարվածի արդյունքում ոչնչացվեցին խմբավորման երկու առաջնորդները՝ Աբու Օմար ալ Բաղդադին և եգիպտացի Աբու Այուբ ալ Մասրին: Նոր առաջնորդ դարձավ մարոկացի Ան Նասեր Լիդինիլ Աբու Սուլեյմանը: Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար | Դանիել սարկավագը՝ բերետավորների գործողությունների մասին․Ծեծում էին՝ «հայր սուրբ, հայր սուրբ» ասելով Նա ասել է, որ ոստիկանության այդ ծառայողներն ամեն ինչի պատրաստ են Կենդանաբանական այգու փղի համար նոր բացօթյա ազատավանդակ կկառուցվի Ավինյանն ասել է, որ նամակներ է ստանում Բունկա փղի պահման ոչ բարվոք պայմանների մասին Լևոն Երանոսյանը մեղավոր է ճանաչվել, բայց համաներվել է Մեղադրանքներից մեկի մասով քրեական դատավարությունը դադարեցնել վաղեմության ժամկետի հիմքով Երևանի մանկապարտեզներում տեսախցիկներ կդրվեն․ Մոտ 135 մլն դրամ կպահանջվի Նախատեսվում է մինչև 1700 տեսահսկման կետ ունենալ |