Թեհրան. Ավիաբազայի կիրառման մասին հայտնելու Մոսկվայի որոշումը թելադրված էր «իրեն ցույց տալու ցանկությամբ»22 օգոստոսի 2016 - 16:27 AMT PanARMENIAN.Net - Իրանի պաշտպանության նախարար Հոսեյն Դեհգանը քննադատել է իր ռուսաստանցի գործընկերներին ռուսական ՌՕՈւ կողմից իրանական Համադան օդանավակայանն օգտագործելու փաստը բարձրաձայնելու համար: ԶԼՄ-ներում ավիաբազայի կիրառման մասին պատմելու որոշումը համաձայնեցված չէր Իրանի հետ և թելադրված էր Մոսկվայի «իրեն ցույց տալու ցանկությամբ», հայտարարել է նա, գրում է BBC-ին: «Անշուշտ, ռուսներն ուզում են ցույց տալ, որ իրենք գերտերություն են և ազդեցիկ երկիր, որն ակտիվ է անվտանգության ասպարեզում այս տարածաշրջանում և աշխարհում»,-ասել է նախարարը Իրանի կառավարական «Երկրորդ ալիքի» եթերում: «Այդ տեղեկությունը հրապարակելու հիմքում անհարգալից վերաբերմունքն ու իրեն ցույց տալու ցանկությունն է»,-ասել է Դեհգանը: Նախարարը նշել է, որ այս պահի դրությամբ Իրանում ոչ մի արտասահմանյան զորակազմ չկա, քանի որ դա հակասում է երկրի սահմանադրությանը: Խոսելով Համադանի ավիաբազայի օգտագործման մասին` նախարարը հայտարարել է, որ անհրաժետ էր ավիաբազան տրամադրել ռուսական մարտական ինքնաթիռներին լրալիցքավորվելու համար, քանի որ Ռուսաստանը որոշել է ակտիվացնել մարտական գործողությունները Սիրիայի տարածքում: Ռուսաստանի ՊՆ-ն օգոստոսի 16-ին հաստատել էր, որ Իրանի Համադան ավիաբազայում տեղակայվել են ռուսական ռմբակոծիչներ, որոնք հարվածներ են հասցնում ահաբեկիչների դիրքերին Սիրիայում: Ավելի վաղ, Deutsche Welle-ն, հղում կատարելով «Ռոսիա 24» հեռուստաալիքին, տեղեկատվություն էր հրապարակել, համաձայն որի՝ Իրանը թույլատրել է Ռուսաստանին ինքնաթիռները տեղակայել Համադանում գտնվող ռազմակայանում, որպեսզի այնտեղից ռուսական օդուժը կարողանա թռիչքներ կատարել դեպի Սիրիա և հարվածներ հասցնել «Իսլամական պետություն» ահաբեկչական կազմակերպության դիրքերին: Ընթերցեք նաև. Ռուսաստանն այլևս չի օգտվում իրանական Համադան ավիաբազայից Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար | Սանոսյան․ Կա 5 գոտի, որտեղ ավերվածություններն էական են, 9 բնակավայր Ալավերդիի հետ կապի խնդիր ունի Ամենամեծ վնասները հիմնականում Ալավերդիից դեպի Բագրատաշեն ուղղությամբ է արձանագրվել Սիֆրեդին՝ Փաշինյանին․ Ֆրանսիայի Օ-դը-Սենի շրջանը պատրաստ է աջակցել ջրհեղեղից տուժած Տավուշին Փաշինյանը կարևորել է ենթակառուցվածքները վերականգնելու ուղղությամբ փոխգործակցությունը Լոռիում, Տավուշում և Սյունիքում ջերմաստիճանը կբարձրանա 8-10 աստիճանով Մայրաքաղաքում մայիսի 28–ի ցերեկը սպասվում է +27 աստիճան, իսկ մայիսի 31–ին՝ +30 «Ֆասթ Շիֆթի» աջակցությամբ կայացել է «Հայրի՛կ, իմ մոտ ամեն ինչ լավ է» գրական երեկոն Երաժշտության ներքո հնչել են բանաստեղծություններ և արձակ ստեղծագործություններ |