Բրազիլիայի նախագահը պաշտոնանկ է արվել. Երկրում անկարգություններ են սկսվել 1 սեպտեմբերի 2016 - 10:38 AMT PanARMENIAN.Net - Բրազիլիայի նախագահ Դիլմա Ռուսեֆը պաշտոնանկ է արվել: Երկրի ամենամեծ Սան Պաուլու քաղաքում անկարգություներ են սկսվել: Նախկին նախագահի կողմնակիցները սկսել են այրել աղբն ու քարեր նետել ոստիկանների ուղղությամբ, հայտնում է ՌԻԱ Նովոստին: Ոստիկանությունն արցունքաբեր գազ է կիրառել: Ցուցարարները ինքնաշեն պայթուցիկներ են գործի դրել: Ռուսեֆի պաշտոնանկության հետ կապված պատմությունը մի քանի ամիս տևեց: Մայիսին սենատորները սկզբից հեռացրեցին նրան պաշտոնից 180 օրով, իսկ օգոստոսի 31-ին վերջնական որոշում կայացրեցին: Ռուսեֆի պաշտոնանկության օգտին քվեարկել է 61 սենատոր, նրա կողմնակիցների թիվը եռակի անգամ պակաս էր` 20 մարդ: Այժմ նախագահի պարտականությունները կկատարի Միշել Թեմերը: Նա կպաշտոնավարի մինչև 2018-ի ավարտը, երբ կանցկացվեն նոր ընտրություններ և պետության նոր ղեկավար կնշանակվի: Քվեարկությունից հետո Ռուսեֆը դուրս է եկել իր կողմնակիցների մոտ: Նա «խորհրդարանական հեղաշրջում է» անվանել կատարվածը և խոստացել է շարունակել քաղաքական գործունեությունը: Ավելի վաղ The Guardian-ը հայտնել էր, որ Բրազիլիայի գերագույն դատարանը մերժել է նախագահի կողմնակիցների բողոքարկումը, որով պահանջվում էր կասեցնել իմպիչմենտի ընթացակարգը: Ըստ նրանց, Սենատը պետք է առնվազն սպասեր դատարանի որոշմանը` քննարկումներ սկսելուց առաջ:Ռուսեֆին մեղադրում են կոռուպցիայի, հարկային չարաշահումների և բյուջետային միջոցները նախընտրական քարոզարշավի ժամանակ օգտագործելու մեջ: 2016-ի մարտի 14-ին նախագահի պաշտոնանկության պահանջով փողոց դուրս եկավ մոտ 3 մլն մարդ: Ռուսեֆը ստանձնել է Բրազիլիայի նախագահի պաշտոնը 2011-ի հունվարի 1-ին: Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար | Պապոյան. ՌԴ դեմ ԵՄ պատժամիջոցները բացասաբար են ազդում ՀՀ տնտեսության վրա Օրինակ` խոսքը պղնձի հանքաքարի կամ ալյումինե փայլաթիթեղի արտահանման մասին է Շվեյցարիան Մարդասիրական կորպուսիր մասնագետների կգործուղի Լոռի ու Տավուշ Նրանք իրականացնելու են կամուրջների և այլ ենթակառուցվածքների ամրության գնահատում Սուրենյան․ Հունիսը ևս տեղումնառատ կլինի՝ հունիսի 7–ից Սև ծովից ցիկլոն կներթափանցի Նա նշել է, որ առատ տեղումներ կլինեն, բայց ոչ այն հաճախականությամբ ու ինտենսիվությամբ, ինչ մայիսին Ovio-ն ՀՀ հզորագույն Տվյալների մշակման կենտրոնի կիբերանվտանգությանն ուղղված լուծումներ է ներկայացրել CyberGEN 2024-ում Համաժողովը մասնակիցների թվով ամենախոշոր միջոցառումն է Հայաստանում |