Աշոտյան. ՀՀԿ-ն երաշխավորել է Կարեն Կարապետյանին վարչապետի պաշտոնում առաջադրվելու համար 8 սեպտեմբերի 2016 - 20:55 AMT PanARMENIAN.Net - Իշխող Հայաստանի Հանրապետական կուսակցությունը երաշխավորել է Երևանի նախկին քաղաքապետ Կարեն Կարապետյանի թեկնածությունը ՀՀ վարչապետի պաշտոնում առաջադրվելու համար: Այդ մասին է հայտարարել ՀՀԿ փոխնախագահ Արմեն Աշոտյանը կուսակցության գործադիր մարմնի ու խորհրդի նիստից հետո ասուլիսի ընթացքում: «Անսալով նաև հանրային, քաղաքական և այլ ոլորտներից եկող ազդակներին որոշում է կայացվել նոր կառավարությամբ գնալ դեպի խորհրդարանական ընտրություններ», - ասել է նա: Նա նշել է, որ Կարեն Կարապետյանի թեկնածությունը միաձայն է առաջադրվել: Թեկնածությունը պետք է հավանության արժանանա ԱԺ-ում: Կարապետյանի թեկնածության ընտրության ժամանակ, ըստ Աշոտյանի, հաշվի են առնվել, մասնավորապես, «բնավորության համապատասխան մի շարք գծեր, որոնք թույլ կտան առաջնորդել փոփոխությունները»: Պատասխանելով հարցին, արդյոք կար Կարապետյանի ընտրության հարցում ռուսական գործոնի ազդեցություն, Աշոտյանը հորդորել է արտաքին քաղաքական դրդապատճառներ նոր վարչապետի թեկնածությունում չփնտրել: Կառավարության այլ փոփոխություններ ԳՄ նիստի ընթացքում չեն քննարկվել: Կարեն Կարապետյանը ծնվել է 1963թ. օգոստոսի 14-ին Ստեփանակերտում: 1986թ. գերազանցությամբ ավարտել է Երևանի պետական համալսարանի կիրառական մաթեմատիկայի ֆակուլտետը: 1989թ. դարձել է տնտեսական գիտությունների թեկնածու, իսկ 2010թ.` տնտեսական գիտությունների դոկտոր: Կարեն Կարապետյանը «ՀայՌուսգազարդ» ՓԲԸ գլխավոր տնօրենի և վարչության նախագահի պաշտոնը զբաղեցրել է 2001թ.-ից մինչև 2010 թվականը: Մինչ այդ նա եղել է ՀՀ էներգետիկայի փոխնախարար և «Հայէներգո» ընկերության գլխավոր տնօրեն: Կարեն Կարապետյանն ամուսնացած է, ունի երեք երեխա: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | ՊՆ․ Զինծառայողների հարազատները ծանրոցներ ուղարկում են բացառապես կամավոր Նշվում է, որ զինծառայողների թիկունքային ապահովման բոլոր աշխատանքները պատշաճ իրականացվում են ԱՄՆ սենատորները կոչ են արել Բայդենին հակազդել մամուլի ազատության դեմ հարձակումներին՝ այդ թվում Ադրբեջանում Նշվում է, որ վերջին ամիսներին Ադրբեջանում 10 լրագրող է կալանավորվել Բելառուսն Արցախում 420 ընտանիքի համար բնակավայր կկառուցի Հայտարարվել է, որ ավանը կկառուցվի Աղդամի շրջանում ՔԿ․ «Էվրիկա»-ի տարբեր հասցեներում խուզարկություններ են ՊԵԿ-ն «Էվրիկա»-ին տուգանել է 10 մլն դրամով |