ԻՊ-ից Մոսուլի ազատագրմանը մասնակցում է մոտ 40.000 իրաքցի զինվորական![]() 29 սեպտեմբերի 2016 - 12:46 AMT PanARMENIAN.Net - Մոտ 40.000 իրաքցի զինվորական և քրդական կազմավորումների մարտիկ է մասնակցելու «Իսլամական պետության» գրոհայիններից Մոսուլի ազատագրման գործողությանը: Ըստ պլանի, Մոսուլ ԻՊ գրոհայիններից ազատելու համար կգործեն տեղացի 15.000 զինվորական, որոնց վրա ներքին անվտանգության ապահովման խնդիր կդրվի: «Եվս 20-25.000 մարդ կմասնակցի Մոսուլի և արվարձանների ազատագրմանը»,-գրում է ՏԱՍՍ-ը Haber Turk-ի վրա հղումով: ԱՄՆ վարչակազմն ավելի վաղ հայտարարել էր, որ Մոսուոլի ազատագրման գործողությունը հավանաբար հոկտեմբերի կեսին կսկսվի, որի անցկացման հարցերը քննարկվել են Անկարայում ԱՄՆ առաջին փոխպետքարտուղար Էնթոնի Բլինքենի բանակցություններում թուրքական իշխանությունների հետ: Մոսուլի ազատագրմանը, որի բնակչությունը մոտ 2 մլն է, իրաքցի զինվորականների հետ միասին Քրդստանի հայրենասիրական միության կազմավորման մարտիկները կմասնակցեն: Սակայն, ըստ պարբերականի, նրանք չեն մտնելու քաղաքի կենտրոն և չեն մասնակցելու այնտեղ մարտական գործողություններին: Անկարան դեմ է, որ Իրանի ազդեցության տակ գտնվող իրաքցի շիաները մտնեն Մոսուլ: Բացի այդ թուրքերը մտահոգված են հնարավոր բախումներով շիաների և սունիների միջև Տելաֆեր շրջանում: Դա պայմանավորված է նրանով, որ այնտեղ բնակվող սունիների մեծ մասը սատարում է ԻՊ-ին: Մոսուլն Իրաքի մեծությամբ երկրորդ քաղաքն է: 2014-ի ամռանից այն գտնվում է ԻՊ զինյալների ձեռքում: Մոսուլի ազատագրման գործողությունը վարում են քուրդ փեշմերգաները, Իրաքի բանակն ու շիաների ջոկատները: Զինվորականները շարունակում են պատրաստվել գրոհի: ![]() ![]() Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ ![]() ![]() ![]() | ![]() ![]() ![]() ![]() ![]() ![]() ![]() ![]() |