ԵԱՀԿ ղեկավարը մտադիր է կոչ անել Երեւանին եւ Բաքվին արագորեն համաձայնեցնել ղարաբաղյան գործընթացի սկզբունքները15 մայիսի 2007 - 18:13 AMT PanARMENIAN.Net - ԵԱՀԿ ղեկավար Միգել Անխել Մորատինոսը հավանություն է տալիս ԵԱՀԿ Մինսկի խմբի համանախագահների գործունեությանը եւ մտադիր է կոչ անել կողմերին` Հայաստանին եւ Ադրբեջանին որքան կարելի է շուտ համաձայնեցնել կարգավորման հիմնական սկզբունքները: Այդ մասին հաղորդել է ԵԱՀԿ ՄԽ ռուս համանախագահ Յուրի Մերզլյակվը: Մայիսի 10-ին ԵԱՀԿ նախագահ, Իսպանիայի արտգործնախարար Միգել Անխել Մորատինոսը Մադրիդում ԵԱՀԿ ՄԽ համանախագահների հետ քննարկել է ղարաբաղյան հակամարտության խաղաղ կարգավորման ուղիները: «Բաքու եւ Երեւան ուղեւորվելուց առաջ նա ցանկանում էր տեղեկանալ մեր գնահատականներին` մենք տվեցինք մեր գնահատականը,-ասել է Մերզլյակովը:-Միգել Անխել Մորատինոսը հավանություն է տվել մեր գործունեությանը: Տարածաշրջան կատարելիք իր այցի ժամանակ ԵԱՀԿ նախագահը նույնպես մտադիր է կոչ անել կողմերին արագորեն համաձայնեցնել կարգավորման սկզբունքները»: Ռուս դիվանագետը հաղորդել է նաեւ, որ մայիսի 10-11-ին Ստրասբուրգում առանձին խորհրդակցություններ են կայացել Հայաստանի եւ Ադրբեջանի ԱԳՆ ղեկավարների հետ: «Մենք քննարկել ենք կարգավորման դեռեւս չկարգավորված հիմնարար սկզբունքները, ստացել ենք կողմերի արձագանքը մեր առաջարկներին: Մենք կշարունակենք աշխատել այդ ուղղությամբ եւ նախապատրաստել մեր առաջարկները»,-ասել է Մերզլյակովը` չմեկնաբանելով իր կարծիքը ներկայացված առաջարկների շուրջ կողմերի արձագանքների վերաբերյալ: Մերզլյակովը հաղորդել է, որ մայիսի վերջին Մինսկի խմբի համանախագահները մտադիր են այցելել տարածաշրջան: Սակայն այցի հստակ ժամկետը դեռեւս համաձայնեցված չէ կողմերի հետ, քանի որ դեռեւս չի ստացվել Երեւանի եւ Բաքվի հաստատումը, հավելել էնա: Ըստ դիվանագետի, հունիսի 10-ին Սանքտ Պետերբուրգում Հայաստանի եւ Ադրբեջանի նախագահների միջեւ բանակցությունների հերթական փուլի կազմակերպման մասին դեռեւս հստակ պայմանավորվածություն չկա: «Դա պարզ կդառնա տարածաշրջան մեր այցելությունից հետո»,-հաղորդել է ԵԱՀԿ ՄԽ ռուս համանախագահ Յուրի Մերզլյակովը, հաղորդում է «Թրենդ» գործակալությունը: Ուշագրավ Կողմերը քննարկելու են նաև համագործակցությունը նավթագազային ոլորտում Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական | «Մի դրամի ուժը» 4 տարեկան է․ 173 մլն դրամ և 30-ից ավելի շահառու հիմնադրամներ Նախաձեռնությունն ավելի քան 40 ծրագիր է ֆինանսավորել Երևանում կկայանա ՀՀ-ԱՄՆ ռազմավարական երկխոսության ամփոփիչ նիստը Նիստի ավարտին կհրապարակվի ամփոփիչ հայտարարություն Ալեն Սիմոնյան․ ՌԴ իշխանությունը «գցել» է Հայաստանին և հայ ժողովրդին Նա նշել է, որ թեթև նախանձով էր նայում, թե ինչպես ԱՄՆ-ի նավատորմը մոտեցավ Իսրայելի սահմաններին և սկսեց խոցել հրթիռները Մարզերում գործող բիզնեսի և անհատների համար Ամերիաբանկը մշակել է աշխատավարձային հատուկ առաջարկ Մարզային ընկերությունները փաթեթի շրջանակում կարող են անվճար բացել ցանկացած արժույթի բանկային հաշիվներ |