Վրաստանի հայկական ՀԿ-ների խորհուրդ. Ընդդիմադիր ուժերի տեսակետերը համըկնում են մեր պահանջների հետ 7 հոկտեմբերի 2016 - 18:23 AMT PanARMENIAN.Net - 2016թ. հոկտեմբերի 8-ին կայանալիք խորհրդարանական ընտրություններին ընդառաջ Սամցխե-Ջավախքի և Քվեմո Քարթլիի հայկական հասարակական կազմակերպությունների խորհուրդը հանդիպումների շարք է ացկացրել ընտրություններին մասնակցելու հայտ ներկայացրած մի շարք ընդդիմադիր քաղաքական ուժերի տարածքային կառույցների ներկայացուցիչների և անհատ թեկնածուների հետ: Վրաստանում 2016-ին երկրի իշխանությունները փոփոխեցին Ընտրական համակարգը: Անցկացրած մանիպուլացիայի հետևանքով փոփոխված են երկրի ընտրաշրջանների սահմանները:Հոկտեմբերի 8-ին Վրաստանում կայանալու են խորհրդարանական ընտրությունները: Կայացած հանդիպումներում հիմնական ուժերը և թեկնածուները Խորհրդի ներկայացուցիչների հետ համատեղ քննարկել են Ջավախահայությանը հուզող մի շարք հարցեր` ազգային, քաղաքական, հոգևոր-մշակութային և կրթական: Հիմնահարցերի լուծման խնդրում լսել են Խորհրդի հարցադրումները և ներկայացրել ջավախահայությանը հուզող խնդիրների լուծման վերաբերյալ սեփական տեսակետերը: Ի մի բերելով հանդիպումների արդյունքները, վերլուծելով և համադրելով ներկայացված տեսակետերն ու ծրագրերը՝ Խորհուրդը փաստում է, որ խորհրդարանական ընտրություններին հայտ ներկայացրած հիմնական ընդդիմադիր ուժերի և թեկնածուների տեսակետերն ընդհանուր առմամբ համըկնում են Խորհրդի պահանջների հետ: Քանի որ նշյալ հանդիպումներին իշխող` «Վրացական երազանք» քաղաքական ուժի կողմից մեծամասնական հիմունքներով առաջադրված թեկնածուն չի մասնակցել, ուստի իշխանական թեկնածուի տեսակետերի մասով, ցավոք, Խորհուրդը ոչինչ չի կարող նշել: Ելնելով վերոնշյալից՝ Սամցխե-Ջավախքի և Քվեմո Քարթլիի հայկական հասարակական կազմակերպությունների խորհուրդը հուսով է, որ այս հայտարարությունից բխող եզրահանգումները թեկնածուների և քաղաքական ուժերի ընտրության հարցում մեծապես կօժանդակեն ջավախքահայությանը: Կարդացեք նաև՝ Վրաստանի հայկական ՀԿ-ների խորհուրդ. «Հիմք չունենք սատարելու քաղաքական ուժերից որևէ մեկին» Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | Սիմոնյանը Ժնևում քննարկումներ է ունեցել Կանադայի սենատի նախագահի և Քաթարի խորհրդարանի փոխխոսնակի հետ Քննարկվել են մի շարք փոխադարձ հետաքրքրություն ներկայացնող հարցեր Միրզոյանը Նիդերլանդների ԱԳ նախարարի հետ հանդիպմանն անդրադարձել է տարածաշրջանային հարցերի Միրզոյանը շեշտել է Ալմաթիի հռչակագրի հիման վրա սահմանազատման հստակության ապահովման կարևորությունը Միրզոյանը ԵԽ մարդու իրավունքների հանձնակատարի հետ հանդիպամնն անդրադարձել է Բաքվում պահվող հայերի ազատ արձակման խնդրին Անդրադարձ է կատարվել նաև հումանիտար բնույթի հարցերի Բագրատ սրբազանը՝ վարչապետի թեկնածու առաջադրվելու մասին․ Պաշտոնական որոշում չկա Նա նշել է, որ մյուս կիրակի է հանդիպելու Ամենայն հայոց կաթողիկոս Գարեգին Երկրորդի հետ |