Թուրքիան դուրս է գալիս «Ստեղծագործ Եվրոպա» ծրագրից. Պատճառը՝ Ցեղասպանության հարցում Թուրքիային դեմ «քայլերն են» 18 հոկտեմբերի 2016 - 14:22 AMT PanARMENIAN.Net - Թուրքիան դուրս է գալիս «Ստեղծագործ Եվրոպա» ծրագրից: Պատճառը, ըստ Թուրքիայի մշակույթի և զբոսաշրջության նախարար Նաբի Ավջընի, այն է, որ նախագիծն աջակցություն է ցուցաբերել Հայոց ցեղասպանության հարցում Թուրքիայի դեմ իրականացվող քայլերին: Թուրքական Sondakika լրատվամիջոցին հղումով Ermenihaber.am-ը գրում է, որ նախարարը նկատի է ունեցել «Ստեղծագործ Եվրոպա»-ի կողմից Գերմանիայի Դրեզդեն քաղաքի սիմֆոնիկ նվագախմբի պատրաստած Հայոց ցեղասպանությանը նվիրված «Աղետ» համերգային նախագծին ցույց տված 200մլն եվրոյի աջակցությունը: Իսկ վերջերս Թուրքիան արդեն կասեցրել էր իր մասնակցությունը «այդ նախագծին հենց այդ աջակցության պատճառով: «Մինչ այժմ մեր առաջ քաշած պայմանների կատարման մասին որևէ հստակ բան չի ասվել: Դրա համար էլ կառավարության որոշմամբ մենք դուրս ենք գալու»,- նշել է նախարարը: Ավելի վաղ հայտնի է դարձել, որ Դրեզդենի Սիմֆոնիկ նվագախումբն իր «Աղետ» համերգային ծրագրով հանդես կգա Թուրքիայում. Հայոց ցեղասպանության 100-րդ տարելիցին նվիրված ստեղծագործությունը նոյեմբերի 13-ին կհնչի Ստամբուլում Գերմանիայի գլխավոր հյուպատոսարանում: «Ստեղծագործ Եվրոպան» 1.460 մլրդ եվրո բյուջեով նախագիծ է, որն աջակցում է Եվրոպայում 2014-2020թթ. իրականացվող մշակութային ձեռնարկումներին: Ծրագրին միացած երկրները, որոնց թվում էր նաև Թուրքիան, տարեկան որոշակի գումար են հատկացնում ընդհանուր բյուջե, որն էլ ծախսվում է անդամ երկրների մշակութային նախագծերին աջակցելու համար: Հղումներ թեմայով.   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
