Մոուրինյո. Մխիթարյանը պետք է ավելին անի իր տեղը հարձակման գծում ունենալու համար 4 նոյեմբերի 2016 - 12:19 AMT PanARMENIAN.Net - Հայաստանի հավաքականի կիսապաշտպան Հենրիխ Մխիթարյանը պետք է ավելին անի «Մանչեսթեր Յունայթեդի» գրոհային գծում իր տեղն ունենալու համար: Այդ մասին հայտարարել է թիմի գլխավոր մարզիչ Ժոզե Մոուրինյոն Եվրոպայի լիգայի խմբային փուլի 4-րդ տուրում «Ֆեներբախչեի» հետ (1:2) հանդիպումից հետո: Պատասխանելով Մխիթարյանի մասին կոնկրետ հարցին խաղից հետո տեղի ունեցած մամուլի ասուլիսում` Մոուրինյոն ասել է. «Նա պետք է ավելին անի, ահա այսքանը: Այս ակումբում մենք մեծ սպասելիքներ ունենք, այդ դիրքերում խաղացողները շատ են և նա պետք է Մատայից, Լինգարդից, Մարսիալից լավ խաղա` նա պետք է նրանցից լավ խաղա, ահա և վերջ»: «Յուրաքանչյուր մարզիչ ուզում է, որ խաղը հաղթանակով ավարտվի, ցանկացած մարզիչ ուզում է այն խաղացողներին ընդգրկել, որոնք, իր կարծիքով, ավելին կարող են անել թիմի համար և ես բացառություն չեմ»,-մեջբերում է Մոուրինյոին ակումբի պաշտոնական կայքը: «Յունայթեդի» կազմում Մխիթարյանը մասնակցել է ընդամենը 5 խաղի` ընդհանուր առմամբ դաշտում անցկացնելով 104 րոպե: «Ֆեներբախչեի» դեմ խաղում Մխիթարյանը խաղի վերջին կես ժամում փոխարինել է Մարկուս Ռեշֆորդին: Նա առաջին անգամ դուրս եկավ խաղադաշտ «Սիթիի» դեմ սեպտեմբերյան դերբիից հետո: 2:1 հաշվով պարտություն կրելուց հետո «Մանչեսթեր Յունայթեդը» Եվրոպայի լիգայի խմբային փուլի ավարտից երկու տուր առաջ կմնա խմբի երրորդ հորիզոնականում: Ուշագրավ Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը | ՊՆ․ Զինծառայողների հարազատները ծանրոցներ ուղարկում են բացառապես կամավոր Նշվում է, որ զինծառայողների թիկունքային ապահովման բոլոր աշխատանքները պատշաճ իրականացվում են ԱՄՆ սենատորները կոչ են արել Բայդենին հակազդել մամուլի ազատության դեմ հարձակումներին՝ այդ թվում Ադրբեջանում Նշվում է, որ վերջին ամիսներին Ադրբեջանում 10 լրագրող է կալանավորվել Բելառուսն Արցախում 420 ընտանիքի համար բնակավայր կկառուցի Հայտարարվել է, որ ավանը կկառուցվի Աղդամի շրջանում ՀՀ և Հորդանանի ԱԳՆ-ները մտահոգություն են հայտնել Երուսաղեմի հայկական թաղամասում ստեղծված իրավիճակի վերաբերյալ Կոստանյանը ներկայացրել է «Խաղաղության խաչմերուկ» նախագիծը |