Հնդկաստանում Արևի աստծո փառատոնի ժամանակ ավելի քան 20 մարդ է զոհվել![]() 8 նոյեմբերի 2016 - 10:17 AMT PanARMENIAN.Net - Հնդկաստանի Բիհար նահանգում առնվազն 21 մարդ է զոհվել Արևի աստծո փառատոնի տոնակատարության ժամանակ տեղի ունեցած դժբախտ պատահարների հետևանքով: RIA Novosti-ն Times of India-ին հղումով հաղորդում է, որ դժբախտ պատահարները տեղի են ունեցել սեպտեմբերի 7-ին՝ փառատոնի վերջին օրը: Այդ օրը հավատացյալները դուրս են գալիս առափնյա շրջաններ և դիմավորում արևածագը՝ նվիրաբերություններ անելով Արևին: Սամաստիպուր շրջանում հավատացյալները հավաքվել են առափնյա շրջանում, որը երկաթգծի հարևանությամբ է գտնվում: Երեք մարդ, այդ թվում՝ երկու երեխա, անցել են ճանապարհը, հենց այդ պահին նրանց է հարվածել արագընթաց գնացքը: Այլ շրջաններում մահացել է ևս 18 մարդ, նրանք բոլորը խեղդվել են առավոտյան ծիսական արարողության ժամանակ: Հնդկաստանում կրոնական տոների ու փառատոների ժամանակ հաճախ են մեծ թվով զոհեր գրանցվում: 2016-ի սեպտեմբերին իմաստության աստծո փառատոնի ժամանակ երկրի տարբեր մասերում զոհվել էր ևս 28 մարդ: Նրանք բոլորը խեղդվել էին ծիսական արարողության ժամանակ: Հղումներ թեմայով. ![]() ![]() Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ ![]() ![]() ![]() | ![]() ![]() ![]() ![]() ![]() ![]() ![]() ![]() |