Իրանը «Գազպրոմի» հետ բանակցելիս կարող է քննարկել նաև դեպի ՀՀ գազի առաքումն ավելացնելու հարցը11 նոյեմբերի 2016 - 12:10 AMT PanARMENIAN.Net - Իրանի նավթի փոխնախարար Ամիր Հոսեյն Զամանի Նիան կբանակցի ռուսական «Գազպրոմի» ղեկավարության հետ: Բանակացությունների շրջանակում կարող է քննարկվել նաև Իրանից Հայաստան առաքվող գազի ծավալների վերանայման հարցը, հայտնում է «Կոմերսանտը»: «Գազպրոմը», սակայն, ըստ «Կոմերսանտի», չի շտապում վերադառնալ իրանական գազի հետ կապված նախագծերին: Թեև քննարկվող հարցերի շրջանակը լայն է լինելու, «Գազպրոմը» մտադիր չէ ինտենսիֆիկացնել բանակցությունները: Հիմա «Գազպրոմը» գազ է մատակարարում Հայաստանին Վրաստանի տարածքով, որի տարանցման մասին պայմանագրի ժամկետը լրանում է տարեվերջին, ընդ որում «Գազպրոմը» կցանկանար, որ տարանցման գինն էժանանա: Իրանի հետ բանակցություններն այս պարագայում կարող են ամրացնել «Գազպրոմի» դիրքերն ու ավելացնել ճնշումը Վրաստանի հանդեպ: Ավելի վաղ հայտնի դարձավ, որ Հայաստանը սկսել է գազ արտահանել Վրաստան: 2016 թվականի առաջին կիսամյակում Հայաստանից դեպի Վրաստան է արտահանվել 24.7 մլն խորանարդ մետր գազ: Պետեկամուտների կոմիտեի հրապարակած տվյալների համաձայն, գազի ընդհանուր արժեքը կազմել է մոտ $6.2 մլն: Իրանի նավթի նախարարության Ազգային գազի արտահանման ընկերության տնօրեն Ալի Ռեզա Քամելին 2016-ի հունվարին հայտարարել էր, որ նախատեսվում է տարեկան Իրանից Վրաստան արտահանել մինչև 500 միլիոն խորանարդ մետր գազ: Իրանն ու Վրաստանը նախնական պայմանավորվածության են եկել իրանական գազը Հայաստանի տարածքով Վրաստան արտահանելու հարցում: Բարձրաստիճան պաշտոնյան ընդգծել է, որ պայմանավորվածությունը երկարաժամկետ է, սակայն որևէ այլ մանրամասն չի նշել, այդ թվում՝ թե իրանական գազի հազար խորանարդ մետրի դիմաց վրացական կողմը որքան է վճարելու: Հղումներ թեմայով. Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Սփյուռքի գործերի գլխավոր հանձնակատարը գործուղվել է Իտալիա Հանդիպումներ կլինեն տեղի պաշտոնատար անձանց, հայկական կառույցների հետ ՊՆ. Սուտ է, թե Տավուշի հատվածում Ադրբեջանը կրակել է հայկական դիրքերի ուղղությամբ Նախարարությունը հորդորում է հետևել գերատեսչության պաշտոնական հաղորդագրություններին Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները |