 Կալիֆոռնիայի համալսարանի հայ ուսանողները տապալել են Աթաթուրքի մասին գրքի շնորհանդեսը 12 նոյեմբերի 2016 - 10:41 AMT PanARMENIAN.Net - ԱՄՆ Կալիֆոռնիայի պետական համալսարանի հայ ուսանողները տապալել են Թուրքիայի Հանրապետության հիմնադիր, թուրքական բանակի սպա Մուստաֆա Քեմալ Աթաթուրքի մասին գրքի շնորհանդեսը: Գրքի հեղինակը՝ Բեյլորի համալսարանի պրոֆեսոր Ջորջ Գոուրիչը, մի քանի նախադասություն է ասել, երբ մոտ 20 ուսանող բողոքի ձայն են բարձրացրել և անդադար կրկնել «Թուրքիան մեղավոր է Ցեղասպանության համար» և «Ցեղասպանությունը հերքող» արտահայտությունները: Daily Sundial-ը գրում է, որ Ցեղասպանությունը հերքելու մեջ ուսանողները մեղադրել են նաև Գոուրիչին: Նշվում է, որ մուտքի մոտ կանգնած ոստիկանները լսել են աղմուկը և դասախոսին դուրս ուղեկցել լսարանից: Դասախոսությունը անցկացվելու էր նոյեմբերի 9-13-ը` «Աթաթուրքի շաբաթվան» նվիրված միջոցառումների շրջանակներում: «Մեր ուղերձը հետևյալն էր` «դադարեցրեք Ցեղասպանության ժխտումը, որը միլիոնավոր կյանքեր է արժեցել: Այս մարդը եկել է այստեղ և պնդում է, որ Ցեղասպանություն չի եղել. դա անհեթեթություն է»,- նշել է ցուցարար երիտասարդներից Էրիկ Բադիվիանը: Մուստաֆա Քեմալ Աթաթյուրքը թուրք քաղաքական, ռազմական և պետական գործիչ է, Թուրքական Հանրապետության հիմնադիրը և առաջին նախագահը։ Մասնակցել է 1908 թվականին երիտթուրքերի հեղափոխությանը։ 1919 թվականին Անատոլիայում գլխավորել է ազգայնական, քեմալիստական (իր անունով) շարժմանը, փաստացի կառավարելով իր իսկ գլխավորած Ներկայացուցչական կոմիտեի միջոցով Անտանտի տերությունների կողմից չգրավված տարածքը։    Հայոց ցեղասպանություն Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին:  Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
