  Stratfor. Ապրիլից հետո Հայաստանը հարցականի տակ է դնում ՌԴ հանդեպ իր լոյալությունը 2 դեկտեմբերի 2016 - 16:20 AMT PanARMENIAN.Net - Ղարաբաղյան հակամարտության գոտում ապրիլյան սրացումից հետո Հայաստանը հարցականի տակ է դնում ՌԴ հանդեպ իր լոյալությունը: Այդ մասին ասվում է ԱՄՆ վերլուծական Stratfor կենտրոնի հոդվածում: «Եթե Մոսկվան ավելի քիչ խնդիրներ ունենա ԱՄՆ նոր վարչակազմի և Եվրոպայի նոր առաջնորդների հետ, նա էլ ավելի կամրապնդի իր դերը որպես ղարաբաղյան հակամարտության կարգավորման հիմնական արբիտր»,-ասվում է հոդվածում, հայտնում է Inosmi-ն: Նշվում է նաև, որ վերջին շրջանում Ռուսաստանը բանակցություններ է վարել, որոնք ուղղված էին Ադրբեջանի և Ուզբեկստանի հետ ռազմական համագործակցության ամրապնդմանը: Այդ երկրներնը զարգացնում են հարաբերությունները Մոսկվայի հետ սպառազինությունների գնման և զինվորական կադրերի ոլորտներում: ՌԴ փոխվարչապետ Դմիտրի Ռոգոզինը ապրիլյան մարտերից անմիջապես հետո, անդրադառնալով ՀՀ նախագահի հայտարարությանն այն մասին, որ Ռուսաստանը մեծաքանակ զենք է վաճառել Ադրբեջանին, հայտարարել էր, որ Ռուսաստանը կշարունակի զենք մատակարարել Ադրբեջանին ըստ պայմանագրերի որպես իր ռազմավարական գործընկերոջը: «Եթե ՌԴ-ն զենք չվաճառի Երևանին կամ Բաքվին, դա կանի ԱՄՆ-ն կամ այլ երկիր»,-ասել էր նա: Սեպտեմբերի 21-ին կայացած զորահանդեսի ժամանակ ՀՀ-ն ցուցադրել էր «Սմերչ» համակարգերը, ինչպես նաև «Բուկ» ՀՕՊ և «Իսկանդեր» օպերատիվ-մարտավարական հրթիռները, որոնց մատակարարումը, սակայն, 2015-ին կնքված ռուս-հայկական $200 մլն վարկով նախատեսված չէր: ՀՀ Զինված ուժերին մատակարարված «Իսկանդեր» հրթիռային համակարգը «Է»՝ արտահանման ենթակա մոդիֆիկացիան է, 300 կմ հեռահարությամբ: Հոդվածում ասվում է նաև, որ փոփոխվող քաղաքական իրավիճակը Բրյուսելում և Վաշինգտոնում կարող է Կրեմլին գործողությունների որոշակի ազատություն տալ` հզորացնելու համար իր ազդեցությունը հետխորհրդային երկրների տարածքում:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
