Կարճամետրաժ ֆիլմերի և լուսանկարների «Ավրորա» մրցույթ է հայտարարվել21 դեկտեմբերի 2016 - 12:35 AMT PanARMENIAN.Net - «Ավրորա» մարդասիրական նախաձեռնությունը հայտարարում է կարճամետրաժ ֆիլմերի միջազգային մրցույթ՝ առանց ժանրային սահմանափակման: Ֆիլմերը պետք է համապատասխանեն «Ավրորա» մարդասիրական մրցանակի ընտրության չափանիշները՝ խիզախություն, նվիրվածություն և ազդեցություն: «Մենք ակնկալում ենք, որ ձեր ինքարտահայտման ազատության շնորհիվ ներկայացված ֆիլմերի հիմքում դրված են լինելու ձեր պատկերացումները հույսի, փոխօգնության, անձնվիրության և ավելի լավ ապագա ունենալու գաղափարների մասին», - ասված է «Ավրորա» մարդասիրական նախաձեռնության հաղորդագրության մեջ: Մրցույթին մասնակցելու հիմնական պայմաններն են. տարիք՝ մինչև 40 տարեկան, ֆիլմի տևողությունը՝ մինչև 5 րոպե, ձևաչափ՝ փաստագրական, խաղարկային, անիմացիոն (2D, 3D), այլ, վերջնաժամկետ՝ մարտի 20, 2017թ.: Ֆիլմերը պետք է նկարահանված լինեն 2016թ. հունվարի 1-ից հետո: Ֆիլմերը պետք է ներկայացնել Vimeo կամ YouTube կայքերում վերբեռնված փակ (ոչ հրապարակային) հղումներով: Կարճամետրաժ ֆիլմերի «Ավրորա» մրցույթի պայմաններին մանրամասն ծանոթացեք այստեղ: Մասնագիտական ժյուրիի ընտրությամբ հաղթող ֆիլմի հեղինակին «Ավրորա» մարդասիրական նախաձեռնությունը կշնորհի 4000 ԱՄՆ դոլարի պարգև, երկրորդ տեղը զբաղեցրած ֆիլմի հեղինակին՝ 2000 ԱՄՆ դոլարի պարգև: Լավագույն 5 ֆիլմերի հեղինակները կստանան բացառիկ հնարավորություն՝ ներկա գտնվելու 2017թ. «Ավրորա» մրցանակի հանձնման արարողությանը Երևանում: Մրցույթին մասնակցելու համար անցնել այս հղումով: «Ավրորա» մարդասիրական նախաձեռնությունը հայտարարում է նաև լուսանկարչական մրցույթ: «Միացեք համաշխարհային մարդասիրական շարժմանը՝ ներդնելով ձեր տաղանդն ու երևակայությունը լուսանկարներում, որոնք արտացոլում են «Ավրորա» մարդասիրական մրցանակի ընտրության սկզբունքները՝ խիզախություն, նվիրվածություն և ազդեցություն», - ասված է «Ավրորա» մարդասիրական նախաձեռնության հաղորդագրության մեջ: Մրցույթին մասնակցելու հիմնական պայմաններն են. տարիք՝ մինչև 40 տարեկան,վերջնաժամկետ՝ մարտի 20, 2017թ.. լուսանկարները պետք է արված լինեն 2016թ. հունվարի 1-ից հետո: «Ավրորա» լուսանկարչական մրցույթի պայմաններին առավել մանրամասն ծանոթացեք այստեղ: Մասնագիտական ժյուրիի ընտրությամբ հաղթող լուսանկարի հեղինակին «Ավրորա» մարդասիրական նախաձեռնությունը կշնորհի 2500 ԱՄՆ դոլարի պարգև, երկրորդ և երրորդ տեղերը զբաղեցրած լուսանկարների հեղինակներին՝ 1500 և 1000 ԱՄՆ դոլարի պարգև: Լավագույն 5 լուսանկարների հեղինակները կստանան բացառիկ հնարավորություն՝ ներկա գտնվելու 2017թ. «Ավրորա» մրցանակի հանձնման արարողությանը Երևանում: Մրցույթին մասնակցելու համար սեղմեք այստեղ: «Ավրորա» նախաձեռնության նպատակն է ստեղծել համաշխարհային մարդասիրական շարժում։ Այն իր արմատներով հասնում է Հայոց ցեղասպանություն, որին զոհ գնաց ավելի քան մեկուկես միլիոն հայ, ու հիմնված է այդ տարիներին տեղ գտած խիզախության ու վերապրումի ոգեշնչող պատմությունների վրա։ Սակավաթիվ հաջողակներ փրկվել են բացառապես խիզախ անհատների և մարդասիրական կազմակերպությունների միջամտության շնորհիվ։ Մեկ դար անց «Ավրորա» մարդասիրական նախաձեռնությունը երախտագիտությամբ ներկայացնում է փրկվածների ու նրանց փրկողների պատմությունները՝ մեծարելով մարդկային ոգու տոկունությունը և փառաբանելով մարդասիրությունը։ Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | ԱԱԾ․ Ադրբեջանցի զինծառայողի կողմից ՀՀ սահմանը հնարավոր հատելու դեպքով տվյալներ չկան Այլ տեղեկությունների դեպքում կտրվի լրացուցիչ պարզաբանում ԱԺ խորհուրդը մերժել է ընդդիմության միջնորդությունը Կոնջորյանն ասել է, որ իրենց խմբակցությունը հունիսի 17-ին էլ չի մասնակցելու արտահերթ նիստին Սիմոնյան․ Ո՞վ ասաց՝ երկիրն ավերվում է, հլը գնանք Սարյան փողոց` տեսնենք Նա նաև ասել է, որ Հայաստանի ընդդիմությունը «պասերով» աշխատում է Ռուսաստանի հետ Թենիսիստ Էլինա Ավանեսյանը հանդես կգա ՀՀ դրոշի ներքո «Դեռ պաշտոնական չէ, սպասում ենք, որ քաղաքացիության հարցը լուծվի»,–ասել է նա |