Պենտագոնի ղեկավար. ՌԴ հետ գործակցության հնարավորությունները կրճատվում են18 հունվարի 2017 - 11:32 AMT PanARMENIAN.Net - Պաշտոնից հեռացող Պենտագոնի ղեկավար Էշթոն Քարթերը կարծում է, որ ՌԴ հետ գործակցելու ԱՄՆ հնարավորությունները ռազմական ոլորտում կրճատվում են: «Ես տեսնում եմ ոլորտներ, որտեղ կարելի է գործակցել, սակայն դրանք գնալով նեղանում են»,-ասել է Քարթերը, հայտնում է ՌԻԱ Նովոստին Bloomberg-ի վրա հղումով: «Այն ընդհանուր տարածքը, որտեղ կարելի է միասին աշխատել, վերջին 10 տարում գնալով կրճատվում է: Դա ուղղակի մեր ընթացիկ կյանքի փաստն է»,-ասել է նա: Առկա հնարավորությունների թվում Քարթերը հիշատակել է Հյուսիսային Կորեայի և Իրանի միջուկային ծրագրերը` չհիշատակելով Սիրիայում ահաբեկչության դեմ պայքարը: Բացի այդ, պաշտոնյան հիշեցրել է 1990-ականներին Բալկաններում երկու երկրների գործակցության մասին: Քարթերը կարծում է, որ հաջորդ 4 տարում, երբ ԱՄՆ նախագահ կլինի Դոնալդ Թրամփը, Մոսկվան ու Վաշինգտոնը կկարողանան համագորածկցել ՀԿԺՀ հարցում:«Ռուսները, ինչպես և մենք, կարծում են, որ իրենց շահերից չի բխում նոր միջուկային զենքը, պատերազմն իրենց սահմաններին»,-ասել է Քարթերը: Հունվարի 20-ին Էշթոն Քարթերը հեռանում է պաշտոնից: Նրա տեղը կզբաղեցնի պաշտոնաթող գեներալ Ջեյմս Մեթթիսը, որի թեկնածությունն առաջարկել է ԱՄՆ նորընտիր նախագահ Դոնալդ Թրամփը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Մեկնարկել են Երևան-Նիցցա թռիչքները Չվերթերը կիրականացվեն շաբաթական 2 անգամ ՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունը ԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարել ԱՄՆ–ն կշարունակի աջակցել ՀՀ-ում պաշտպանական բարեփոխումներին Պապաիկյանն ու ԱՄՆ դեսպանը քննարկել են համագործակցության ներկայիս ընթացքը և զարգացման հեռանկարները |