Թեոդոսիան 23 մլն ռուբլի է պահանջել Այվազովսկու գերեզմանի վերանորոգման համար31 հունվարի 2017 - 17:35 AMT PanARMENIAN.Net - Մեծ ծովանկարիչ Հովհաննես Այվազովսկու գերեզմանի վերանորոգման համար 23 մլն ռուբլի է հարկավոր: Այդ մասին հայտարարել է Թեոդոսիայի վարչակազմի մշակութային հարցերի բաժնի պետ Ալբերտ Դորժեևը: 2017-ին նշվում է մեծ ծովանկարչի 200-ամյակը: Ըստ նրա, գումարը վերջնական չէ և կարող է փոփոխվել, երբ պատրաստ կլինի վերանորոգման նախագիծը, հայտնում է rg.ru-ն: «23 մլն ռուբլի ենք խնդրում գերեզմանի վերանորոգման համար: Թե որքան դա կարժենա, պարզ կդառնա հետագայում, երբ պատրաստ կլինի նախագիծը, այն ժամանակ էլ կհրապարակվի հստակ թիվը»,-ասել է պաշտոնյան: Թեոդոսիայի քաղաքային իշխանությունները հայտարարում են, որ և գերեզմանը, և շրջակա տարածքը բարվոք վիճակում չեն: Մինչև վերջերս քաղաքի իշխանությունները 7 մլն ռուբլի էին պահանջում վերանորոգման համար, սակայն հետագայում գումարը գրեթե եռապատկվեց: «Այնտեղ լուրջ խնդիրներ կան ստորջրյա հոսքերի հետ կապված, ինչ-որ տեղաշարժեր են եղել, գերեզմանը բառիս բուն իմաստով «լողում է»` հարկավոր է ջուրը վերացնել այնտեղից և հասկանալ, թե ինչ վիճակում է դամբարանը: Տարիներ շարունակ այնտեղ ոչ ոք չի մտել»,-ասել է Դորժեևը: Այվազովսկին թաղված է Թեոդոսիայում՝ հայոց միջնադարյան Սուրբ Սարգիս եկեղեցու բակում։ 1903 թ.նկարչի այրին մարմարե շիրմաքար է տեղադրել, որը իտալացի քանդակագործ Լ.Բիոջոլիի աշխատանքն է։ Շիրմաքարին գրաբար փորագրված են պատմահայր Մովսես Խորենացու խոսքերը.«Մահկանացու ծվեց` թողնելով անմահ հիշատակ»: Այվազովսկին մահացել է 82 տարեկան հասակում, 1900 թ.մայիսի 2–ին։ Մահից անմիջապես առաջ ավարտել է «Ծովածոց» նկարը, իսկ հենց մահվան օրը սկսել է նկարել«Թուրքական նավի պայթեցումը» կտավը, որը մնացել է անավարտ։ Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Սիմոնյանը Ժնևում քննարկումներ է ունեցել Կանադայի սենատի նախագահի և Քաթարի խորհրդարանի փոխխոսնակի հետ Քննարկվել են մի շարք փոխադարձ հետաքրքրություն ներկայացնող հարցեր Միրզոյանը Նիդերլանդների ԱԳ նախարարի հետ հանդիպմանն անդրադարձել է տարածաշրջանային հարցերի Միրզոյանը շեշտել է Ալմաթիի հռչակագրի հիման վրա սահմանազատման հստակության ապահովման կարևորությունը Միրզոյանը ԵԽ մարդու իրավունքների հանձնակատարի հետ հանդիպամնն անդրադարձել է Բաքվում պահվող հայերի ազատ արձակման խնդրին Անդրադարձ է կատարվել նաև հումանիտար բնույթի հարցերի Բագրատ սրբազանը՝ վարչապետի թեկնածու առաջադրվելու մասին․ Պաշտոնական որոշում չկա Նա նշել է, որ մյուս կիրակի է հանդիպելու Ամենայն հայոց կաթողիկոս Գարեգին Երկրորդի հետ |