Կորտունով. Լապշինի արտահանձնումը Բաքվին Մինսկի դիվանագիտական դեմարշն է 8 փետրվարի 2017 - 11:29 AMT PanARMENIAN.Net - Բլոգեր Ալեքսանդր Լապշինի արտահանձնումը Ադրբեջանին աննախադեպ իրադարձություն է` խոսքը դիվանագիտական դեմարշի մասին: Այսպիսի հայտարարություն է արել Ռուսաստանի Միջազգային գործերի խորհրդի գլխավոր տնօրեն Անդրեյ Կորտունովը: Մի քանի անգամ Լեռնային Ղարաբաղ և Ադրբեջան այցելած Լապշինը ձերբակալվել էր Մինսկում 2016 թվականին՝ Ադրբեջանի սահմանն ապօրինի հատելու մեղադրանքով: ՌԴ-ն ու Իսրայելը դեմ էին բլոգերի արտահանձնմանը, սակայն դիվանագետների ջանքերն արդյունք չտվեցին: «Լապշինի արտահանձնումը պետք է դիտարկել ռուս-բելառուսական հարաբերությունների կտրուկ վատթարացման ֆոնին, դա ազդանշան է, որը Բելառուսի ղեկավարությունն ուղղում է իր ռուս պաշտոնակիցներին»,-ասել է Կորտունովը, հայտնում Business FM ռադիոկայանը: Ըստ փորձագետի, հետևանքները կարող են բավականին լուրջ լինել: Նա ասել է, որ ամենակոշտ սցենարի դեպքում Ռուսաստանը շատ հետևողական դիրքորոշում կորդեգրի ռուս-բելառուսական առևտրի հարցում, փաստացի, կհրաժարվի բելառուսական տնտեսության սուբսիդավորումից, իսկ Մինսկը կփորձի կողմնորոշումը փոխել դեպի ԵՄ: «Այս դեպքում առնվազն պետք է հնչի կոշտ քաղաքական հայտարարություն նման քայլերի անթույլատրելիության մասին, հավանաբար, դրան կհաջորդեն ինչ-ինչ բանակցություններ և այստեղ կարելի է փոխզիջումների հասնել: …Կարծում եմ, Լուկաշենկոն լուրջ քաղաքական ռիսկի է գնում, նա պետք է իրեն հաշվետու լինի, որ ՌԴ ղեկավարությունը հակված չէ զիջումների գնալ ճնշման տակ: Դա այն լեզուն չէ, որով կարելի է խոսել Մոսկվայի հետ: Բելառուսի համար Ադրբեջանի հետ հնարավոր դաշինքը չի կարող փոխարինել գործընկերությունը Մոսկվայի հետ տնտեսական, աշխարհաքաղաքական, պատմական և մի շարք այլ պատճառներով»,-ասել է Կորտունովը: Փետրվարի 7-ին Բելառուսի Գերագույն դատարանն ուժի մեջ էր թողել Լապշինին Ադրբեջանին արտահանձնելու որոշումը: Նույն օրը նա տեղափոխվել է Բաքու և այժմ գտնվում է մեկուսարանում: Ընթերցեք նաև. ԼՂՀ ՄԻՊ. Լապշինի գործը հակադարձ նախադեպ կդառնա` մեծացնելով Արցախի հանդեպ հետաքրքրությունը Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | Գեղասահորդուհի Սոֆյա Տիտովան կներկայացնի Հայաստանը․ Նա ՀՀ քաղաքացիություն է ստացել Նա մարզվում է Եվգենի Պլյուշչենկոյի ակադեմիայում Սերժ Սարգսյան. Բագրատ Սրբազանն ասել է` ինքն է թեկնածու, ուրեմն՝ իրեն ենք աջակցում Նա ասել է, որ նոր իշխանություններին կհաջողվի սահմանազատումը բերել օրինական դաշտ Ռուսական Առաջին ալիքի հեռարձակումը վերսկսվել է․ Պարտքը մարվել է «Հաջորդ օրը Առաջին ալիքն ամբողջությամբ վճարեց պարտքը»,–ասել է Հայրապետյանը ՄԻՊ․ Անթույլատրելի է որևէ պարագայում ոստիկանության կողմից անհամաչափ ուժի կիրառում ՄԻՊ արագ արձագանքման խումբ է մեկնել ոստիկանության Կենտրոնական բաժին |