Ռուսական կողմը Լապշինի արտահանձնման մասին իմացել է իսրայելցի դիվանագետներից![]() 8 փետրվարի 2017 - 11:51 AMT PanARMENIAN.Net - Բելառուսում ՌԴ դեսպանատունը ՌԴ և Իսրայելի քաղաքացի բլոգեր Ալեքսանդր Լապշինին Բաքու արտահանձնելու մասին իմացել է իսրայելցի դիվանագետներից: Այդ մասին հայտարարել է Մինսկում ՌԴ դեսպանության հյուպատոսական բաժնի պետ Իգոր Կարյագինը: Մի քանի անգամ Լեռնային Ղարաբաղ և Ադրբեջան այցելած Լապշինը ձերբակալվել էր Մինսկում 2016 թվականին՝ Ադրբեջանի սահմանն ապօրինի հատելու մեղադրանքով: ՌԴ-ն ու Իսրայելը դեմ էին բլոգերի արտահանձնմանը, սակայն դիվանագետների ջանքերն արդյունք չտվեցին: «Մեզ այդ մասին իրազեկել է իսրայելյան կողմը` Մինսկում Իսրայելի դեսպանատունը»: Նա պարզաբանել է, որ դա արվել է արդեն այն բանից հետո, երբ այդ մասին գրել են ԶԼՄ-ները, հայտնում է ՌԻԱ Նովոստին «Sputnik Բելառուսի» վրա հղումով: Ըստ Կարյագինի, փետրվարի 8-ին ՌԴ դեսպանության ներկայացուցիչները հանդիպելու են փաստաբանի հետ, որը Մինսկի դատարանում ներկայացնում էր Լապշինի շահերը: «Մենք պարզելու ենք` արդյոք ներկայացվել է միջնորդություն Բելառուսի միգրացիոն ծառայություններին Լապշինին լրացուցիչ պաշտպանություն տրամադրելու վերաբերյալ: Մենք գիտենք, որ այդպիսի մտադրություն կար»,-ասել է Կարյագինը: Աղբյուրը Բելառուսի իրավապահ մարմիններում իր հերթին հայտնել է, թե նման միջնորդություն համապատասխան մարմինները չեն ստացել: Մոսկվան դեմ է բլոգեր Անդրեյ Լապշինին Ադրբեջանին արտահանձնելու որոշմանը՝ պնդելով երրորդ երկրներին Ռուսաստանի քաղաքացիների արտահանձնման անթույլատրելիության հարցում: Այդ մասին հայտարարել է ՌԴ արտգործնախարարության պաշտոնական ներկայացուցիչ Մարիա Զախարովան: Փետրվարի 7-ին Բելառուսի Գերագույն դատարանն ուժի մեջ էր թողել Լապշինին Ադրբեջանին արտահանձնելու որոշումը: Նույն օրը նա տեղափոխվել է Բաքու և այժմ գտնվում է մեկուսարանում: Ընթերցեք նաև. Հարցում. Ի՞նչ պիտի անի ՀՀ-ն Լապշինի արտահանձնումից հետո Կորտունով. Լապշինի արտահանձնումը Բաքվին Մինսկի դիվանագիտական դեմարշն է ![]() ![]() Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ ![]() ![]() ![]() | ![]() ![]() ![]() ![]() ![]() ![]() ![]() ![]() |