Սվիտալսկի. ԵՄ-ն ոչ մի երկրում այսքան գումար և քաղաքական վստահություն չի ներդրել, որքան ՀՀ-ում24 փետրվարի 2017 - 14:42 AMT PanARMENIAN.Net - Եվրոպական Միությունը ոչ մի երկրում այսքան գումար և այսքան քաղաքական վստահություն չի ներդրել, որքան Հայաստանում. դա արել է, որպեսզի օգնի կազմակերպել վստահելի ընտրություններ: Այս մասին լրագրողներին ասել է Հայաստանում ԵՄ պատվիրակության ղեկավար, դեսպան Պյոտր Սվիտալսկին։ «Մենք արձագանքեցինք կառավարության կոչին՝ աջակցել, և Բրյուսելի բարձր մակարդակով որոշում կայացրինք, քանի որ կարծում ենք, որ այս անգամ հնարավոր կլինի իրականացնել ավելի լավ ընտրություններ»,- ասել է դեսպանը՝ հավելելով, որ այսօր կա դա կազմակերպելու մի քանի գործոն, որոնցից մեկն էլ ժողովրդավարության, մասնավորապես՝ ընտրական գործընթացների բարելավման հայաստանյան հանրության ակնկալիքն ու պահանջն է, գրում է Civilnet.am-ը։ «Մենք լավատես ենք և կարծում ենք, որ ավելի լավ ընտություններ ենք ունենալու, քան ունեցել ենք անցյալում, քանի որ տեսնում ենք, որ տարբեր շահագրգիռ կողմեր ցուցաբերում են քաղաքական կամք՝ առաջիկա ընտրությունները նախորդից լավ կազմակերպելու համար»,- նշել է Սվիտալսկին՝ հավելելով, որ դա չի նշանակում, թե ամեն բան կատարյալ է լինելու։ ԵՄ դեսպանը կարծում է, որ ՀՀ քաղաքացին պետք է լինի ավելի ինքնավստահ, հավատա, որ այս անգամ իր քվեն հաշվի կառնվի։ Սվիտալսկին կարևորում է նաև ընտրությունների օրը և նշում, որ պատասխանատու մարմինները պետք է անեն ամեն ինչ, որպեսզի բոլոր դիտորդներն ունենան անհրաժեշտ ազատությունը գործելու համար։ «Մեզ համար կարևոր է նաև միջազգային դիտորդների աշխատանքի ազատության կազմակերպումը»։ Նա հույս է հայտնել, որ այդ ամենը կկազմակերպվի թափանցիկ։ Ապրիլի 2-ին ՀՀ-ում խորհրդարանական ընտրություններ են անցկացվելու: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ՄԻՊ աշխատակազմը մայիսի 9-ին արտակարգ ռեժիմով է աշխատելու Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումը Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով |