 Forbes-ը նշել է ռուսաստանաբնակ հայ միլիարդատերներին, որոնք կարող են ազդել ՀՀ-ում ընտրությունների վրա 10 մարտի 2017 - 13:09 AMT PanARMENIAN.Net - Հեղինակավոր Forbes հանդեսը հրապարակել է Ռուսաստանի միլիարդատեր հայ գործարարների անունները, որոնք կարող են առանցքային դեր խաղալ Հայաստանում ապրիլի 2-ին կայանալիք խորհրդարանական ընտրությունների ժամանակ: «Սամվել Կարապետյանը, Ռուբեն Վարդանյանը, Սերգեյ Համբարձումյանը և Սարկիսով եղբայրներն ազդեցիկ գործարարներ են՝ հայկական ծագմամբ: Նրանք ակտիվորեն ներդրումներ են կատարում Հայաստանում՝ երկրի հասարակական-քաղաքական կյանքում լուրջ գործոն դառնալով»,- գրում է հանդեսը: Նշվում է, որ նրանց ներդրումները ներգրավված են Հայաստանի գրեթե յուրաքանչյուր հաջողված նախագծում: Forbes-ը գրում է, որ այս ազդեցիք գործարարները Հայաստանում ներդրումներ են կատարում առանց ինչ-որ նշանակալի եկամուտ ակնկալելու. նրանք փոխարենն ակնկալում են «իմիջա-վարկանիշային և քաղաքական դիվիդենտներ շահել»: Նշվում է, որ քաղաքական տեսանկյունից, Ռուսաստանում հայկական սփյուռքի կառույցների ղեկավարները սերտ կապեր են պահպանում պաշտոնական Երևանի իշխանությունների հետ: Forbes-ի վարկածի համաձայն, երկրի քաղաքական կուրսից բնակչության դժգոհության, ինչպես նաև՝ արևմտահայկական սփյուռքի (մասնավորապես, ԱՄՆ-ի ու Ֆրանսիայի) ընդդիմադիր քաղաքական կառույցների հանդեպ համակրանքի աճը Ռուսաստանի հայ գործարարներին դարձնում են պաշտոնական Երևանի միակ՝ «առանց այլընտրանքի հնարավորության» համակիրները: Այսպիսով, ինչպես նշում է հանդեսը, ապրիլյան ընտրություններում հայկական սփյուռքի ֆինանսական էլիտայի գործոնը կարող է առանցքայիններից մեկը դառնալ: Ապրիլի 2-ին կայանալիք խորհրդարանական ընտրություններին մասնակցում է 9 քաղաքական ուժ, որից 4-ը դաշինք է, 5-ը՝ կուսակցություն:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
