Ստեփանակերտում ժամանակակից նոր հուշահամալիր է կառուցվում15 մարտի 2017 - 11:50 AMT PanARMENIAN.Net - Ստեփանակերտի Հայկավան թաղամասում՝ Կրկժանի հարևանությամբ՝ պատերազմի տարիներից հայտնի «Կոբրա» անունով բլրի վրա, հայ ազգի գոյատևման պայքարի զոհերի հիշատակին նոր ու ժամանակակից հուշահամալիր է կառուցվում: Այն կառուցվում է ծննդով արցախցի, պատերազմի մասնակից, մոսկվայաբնակ բարերար Սիմոն Պետրոսյանի մտահղացմամբ և օժանդակությամբ: Այս մասին ասել է շինարարական աշխատանքներ իրականացնող «Կոբրա» ՓԲ ընկերության տնօրեն Արմեն Առստամյանը, հաղորդում է«Արցախպրեսը»: «Ուրախալին այն է, որ ամեն բան հարմարեցված է սահմանափակ կարողություններով մարդկանց ազատ տեղաշարժն ապահովելուն: Համալիրի տարածքի, առաջին և երկրորդ հարկերում, առանձին մուտքերով կառուցվում է ռեստորանային համալիր, հարավարևելյան կողմից` հյուրանոց: Հիմնական աշխատանքներն ավարտված են. արդեն սկսվել են ներքին հարդարման աշխատանքները: Ամենագլխավորը՝ համալիրն իր ճարտարապետական կառույցներով, և աշխարհագրական դիրքով որևէ այլ կառույցի չի կրկնում»,- մանրամասնել է Առստամյանը: Նա հավելել է, որ «այս հուշահամալիրը հայ ժողովրդի հարատևության և անցյալի հիշողության յուրօրինակ խորհրդանիշ է դառնալու»: Ստեփանակերտի գրեթե բոլոր հատվածներից երևացող այս համալիրում շինարարական աշխատանքներն ընթանում են 2007 թվականից: Ընդհանուր առմամբ, համալիրն՝ իր օժանդակ կառույցներով, զբաղեցնում է մոտ 3000 քառ./մ տարածք: Ծավալատարածական կառուցվածքով այն խաչաձև է, իսկ խաչի թևերն իրենցից ներկայացնում են եռանկյուն կտրվածքով սյունաշարեր: Հատման կենտրոնում էլ վեր է խոյանալու հուշակոթող: Ջրի հոսքի համար, կառուցվելու է կասկադ, այնտեղից հոսելու է դեպի փոքր ջրավազաններ: Հուշակոթողը մոտ 20 մ բարձրություն ունեցող զարդաքանդակներով 2 կոթող ունի: Նախատեսվում է դրանց արանքում կառուցել պատյանի մեջ պահված թուր, ինչը խորհրդանշում է, որ հայ ժողովուրդը հաղթանակած թուրը դրել է պատյան, բայց պատրաստ է վտանգի պահին այն նորից հանելու: Հուշահամալիրի տարածքում նաև զբոսայգի է լինելու` քարե նստարաններով, ծաղկանոցներով, շվաքարան-տաղավարներով: Հուշահամալիրը երկու գլխավոր մուտք ունի. առաջինը՝ Հայկավան թաղամասից, երկրորդը` Կրկժանի կողմից: Հղումներ թեմայով. Ուշագրավ Մշակվում է Հավաքական անվտանգության խորհրդի որոշման նախգիծը Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները | ԶԼՄ. ՀՀ–ն դիտարկում է Իրանի Չաբահար նավահանգստում India Ports Global Ltd. & Ports օպերատորի հետ գործակցության տարբերակը Ստեղծվել է միջգերատեսչական աշխատանքային խումբ Ռուբինյան․ Թուրքական կողմից սահմանի բացմանն ուղղված քայլեր չենք տեսել «Մենք ակնկալում ենք, որ այդ պայմանավորվածությունը կկատարվի»,-ասել է Ռուբինյանը O’Բրայենը՝ Փաշինյանին․ ԱՄՆ–ն շարունակելու է աջակցությունը ՀՀ կառավարությանը՝ առաջ մղելու բարեփոխումները Փաշինյանն ընդգծել է ԱՄՆ աջակցությունն ուղղված Հայաստանում իրականացվող ժողովրդավարական բարեփոխումներին Idcoin. IDBank-ի հավատարմության համակարգի նոր գործիքը Մեկ idcoin-ը հավասար է մեկ դրամի |