  «Ազատության» լրագրողը բռնության է ենթարկվել (վիդեո)  2 ապրիլի 2017 - 14:17 AMTPanARMENIAN.Net - «Ազատություն» ռադիոկայանի լրագրող Սիսակ Գաբրիելյանը բռնության է ենթարկվել Երևանի Կոնդ թաղամասի ընտրատեղամասի հարևանությամբ գործող ՀՀԿ շատբի մոտակայքում: Լրագրողը հայտնել է, որ այդ տեղամասի մասին բազմաթիվ ահազանգեր են ստացել՝ կապված մարդկային կուտակումների և ընտրակաշառքի հնարավոր բաժանման մասին: «Այցելեցի այդ տեղամաս: Այնտեղ Հանրապետական կուսակցության ռեյտռինգային թեկնածուն նախկին նախարար Գագիկ Բեգլարյանի եղբայրն է՝ Հակոբ Բեգլարյանը: Ընտրատեղամասի մոտակայքում նրա նախընտրական շտաբն է գործում՝ նրա լուսանկարներով ու ՀՀԿ պաստառներով: Ես մոտ 10-15 րոպե կանգնեցի, տեսա, որ ընտրողներն իրենց անձնագրերով մոտենում են մի քանի երիտասարդի, նրանց ուղեկցությամբ մտնում շտաբ, այնուհետև դուրս գալիս ու գնում ընտրատեղամաս: Նրանցից մի քանիսի ձեռքում թղթադրամներ նկատեցի: Որոշեցի ինքս էլ բարձրանալ շտաբ, տեսնել՝ ինչ է կատարվում»,- պատմել է լրագրողը: Նա մանրամասնել է, որ շտաբի մուտքի մոտ իրեն փորձել են խոչընդոտել և ներս չթողնել, սակայն կարողացել է մուտք գործել: Ներսում տեսել է մի քանի քաղաքացու, սեղաններին՝ ցուցակներ: «Այնտեղի աղջիկներից մեկն ասաց, որ իրենք ընտրակաշառք չեն բաժանում, այլ՝ շտաբի աշխատակիցների աշխատավարձերը: Հարցին, թե ինչու են այդ դեպքում քաղաքացիների անձնագրային տվյալները գրանցում, նրանք պատասխանեցին, թե դա իրենց գործելաոճն է»,- մանրամասնել է Սիսակ Գաբրիելյանը: Լրագրողը բջջային հեռախոսով տեսանկարահանում է իրականացրել շտաբի ներսում և դրա հարակից տարածքում, որում երևում է նաև, թե ինչպես են խլում AraratNews-ի լրագրողի տեսախցիկն ու անպատվում: Սիսակ Գաբրիելյանը շեշտել է, որ հավաքվածները բավական ագրեսիվ վարք են դրսևորել, որն ուղեկցվել է հայհոյանքներով: «Ազատության» լրագրողը հոնքի հատվածքում նաև վնասվածք է ստացել: Տուժած լրագրողներից մեկը բռնության դեպքի մասին ահազանգել է Ոստիկանություն: Ոստիկանությունն արձագանքել է «Ազատության» թղթակցի հետ կատարված միջադեպի մասին հաղորդմանը: «Ըստ համացանցում շրջանառված տեղեկատվության՝ այսօր Կոնդում հարձակման է ենթարկվել «Ազատության» թղթակից Սիսակ Գաբրիելյանը: Նշվածի առնչությամբ, ոստիկանությունում հաղորդում է ստացվել, որ Կոնդ թաղամասում՝ Ռուսթավելի 15 հասցեի բնակիչները հարձակվել են լրագրողների վրա: Միջադեպով ոստիկանության Կենտրոնականի բաժնում նյութեր են նախապատրաստվում և ձեռնարկվում են համապատասխան միջոցառումներ հանգամանքները պարզելու ուղղությամբ»,- ասված է Ոստիկանության հաղորդագրության մեջ: Ընտրությունների կարևորագույն իրադարձությունների վերաբերյալ թարմացվող լրահոսին հետևեք այստեղ:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
