  Ռուստամյան. Հայաստանը թևակոխում է մի նոր ժամանակաշրջան 2 ապրիլի 2017 - 16:49 AMT PanARMENIAN.Net - Հայաստանը թևակոխում է մի նոր ժամանակաշրջան, և այս ընտրությունը լինելու է որոշիչ, վճռական: Այդպիսի հայտարարություն է արել ՀՅԴ Բյուրոյի քաղաքական ներկայացուցիչ, ՀՅԴ համամասնական ցուցակը գլխավորող Արմեն Ռուստամյանը՝ քվեարկելով 03/23 ընտրատեղամասում: Նա հույս է հայտնել, որ սա չորրորդ հանրապետության հիմնադիր խորհրդարանն է լինելու, հայտնում է «Sputnik Արմենիան»։ «Մենք ուզում ենք, որ այդ չորրորդ հանրապետությունը ճշմարիտ սկզբնավորում ունենա: Քվեարկել` վստահ լինելով, որ մենք, իսկապես, թևակոխում ենք մի նոր ժամանակաշրջան, և այս ընտրությունը լինելու է որոշիչ, վճռական: Մեր հետագա քայլերն ինչպես կարող ենք կատարել և ինչ խորությամբ ու արագությամբ` կախված է այն խորհրդարանի որակից, որն այսօր կընտրվի»,-ասել է նա: Ինչ վերաբերում է ընտրախախտումներին, Ռուստամյանն ասել է, որ իրենք այդ ամենը կստուգեն և հետո եզրակացություններ կանեն: Խոսելով կիրառվող նոր տեխնոլոգիաների մասին` նա ուրախությամբ փաստել է, որ ժողովուրդը յուրացնում է նոր տեխնոլոգիաները, որ սա խնդիրներ չի առաջացրել, այլ շատ սահուն է ընթանում ամեն ինչ: Հայաստանի խորհրդարանական ընտրություններում ժամը 14:00-ի դրությամբ քվեարկել է 865 884 ընտրող կամ 33,46%-ը: Ապրիլի 2-ին ՀՀ քաղաքացիները խորհրդարան են ընտրում: Մանդատների համար 9 քաղաքական ուժ է մրցում: Խորհրդարանական ընտրություններին մասնակցող կուսակցություններն ու դաշինքները քվեաթերթիկներում ունեն հետևյալ համարները՝ ԵԼՔ դաշինք - 1, ԱԴ - 2, ՀՎԿ - 3, «Ծառուկյան» դաշինք - 4, «Կոնգրես – ՀԺԿ» դաշինք - 5, ՀՀԿ - 6, ՀԿԿ - 7, ՕՐՕ - 8, ՀՅԴ - 9: Խորհրդարանական ընտրությունների ընթացքին կարելի է հետևել PAN-ի թարմացվող լրահոսով:  Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
