Աշոտյան. Քաղաքական չէ 120.000 ընտրողի զրկել ներկայացուցիչներից Աժ-ում

PanARMENIAN.Net - ԵԼՔ-ին ուղղված մանդատներից հրաժարվելու պնդման հետևում կա ամեն ինչ, բացի քաղաքականությունից: Այդ մասին ՀՀԿ փոխնախագահ Արմեն Աշոտյանը գրառում է կատարել իր ֆեյսբուքյան էջում՝ անդրադառնալով շրջանառվող այն կարծիքներին, որ ԵԼՔ դաշինքը պետք է հրաժարվի ԱԺ մանդատներից:

Ըստ Աշոտյանի, քաղաքական չէ 120.000 ընտրողի զրկել ներկայացուցիչներից խորհրդարանում: «Հրաժարվել ընդդիմությունափոխությունից քաղաքական չէ, խոչընդոտել նոր գործիչների մուտքը ԱԺ քաղաքական չէ, վերացնել խորհրդարանից արևմտյան դիսկուսրը քաղաքական չէ, փակել միակ լիբերալ ուժի առջև դռները դեպի ԱԺ քաղաքական չէ,-ասվում է Աշոտյանի գրառման մեջ:

Ավելի վաղ ԵԼՔ-ը 7 կետով գնահատել է ԱԺ ընտրությունների ընթացքը՝ նշելով, որ ընտրությունների պաշտոնական արդյունքները, ընդհանուր առմամբ, ձևավորվել են ընտրություններին մասնակցած քաղաքացիների քվեարկության արդյունքում:

ՀՀ Կենտրոնական ընտրական հանձնաժողովն ապրիլի 3-ի կեսօրին հրավիրած նիստում ամփոփել է նախորդ օրը կայացած խորհրդարանական ընտրությունների արդյունքները՝ մշակված բոլոր՝ 2009 ընտրատեղամասերից ստացված արդյունքների հիման վրա: Հայաստանի Հանրապետական կուսակցությունը ստացել է 770.718 քվե կամ ընտրողների ձայների 49.15%-ը, «Ծառուկյան դաշինքը»՝ 428.892 քվե կամ 27.35%-ը: ԵԼՔ դաշինքը ստացել է 121.997 քվե կամ ընտրողների ձայների 7.78%-ը, ՀՅԴ-ն՝ 103.173 քվե կամ 6.57%-ը, «Հայ Յեղափոխական Դաշնակցություն» կուսակցությունը՝ 103.148 կամ 6.58%-ը:

«Հայկական վերածնունդ» կուսակցությունը ստացել է 58.274 քվե կամ 3.72%, «Օհանյան-Րաֆֆի-Օսկանյան» դաշինքը՝ 32.487 քվե կամ 2.07%, «Կոնգրես-ՀԺԿ» դաշինքը՝ 25.973 քվե կամ 1.66%, «Ազատ դեմոկրատները»՝ 14.740 քվե կամ 0.94%, Հայաստանի կոմունիստական կուսակցությունը՝ 11.742 քվե կամ 0.75%: Ընտրություններին մասնակցել 1.577.323 ընտրող կամ ընտրողների 60.93%-ը:

Ընթերցեք նաև. Երևանի քաղաքապետի պաշտոնում Փաշինյանի առաջադրումը ԵԼՔ-ում չեն քննարկել