«Եվրասիա» հիմնադրամը կֆինանսավորի ՀՀ ՓՄՁ-ները. $100.000-ից մինչև 1 մլն վարկեր կտրամադրվեն20 ապրիլի 2017 - 11:41 AMT PanARMENIAN.Net - «Եվրասիա» հիմնադրամը հանդես է եկել նոր նախաձեռնությամբ՝ միտված եվրասիական տարածաշրջանի զարգացող երկրների փոքր ու միջին ձեռներեցության զարգացմանը: Վաշինգտոնի Կարնեգի հիմնադրամում անցկացվել է փոքր բիզնեսի աջակցման «Եվրասիա» հիմնադրամի Gazelle Finance ծրագրի մեկնարկին նվիրված միջոցառում: «Մենք տարբեր ֆինանսական գործիքների միջոցով կֆինանսավորենք այդ ընկերությունները, որոնք կոչվում են Gazelle-ներ,»,- ասել է Gazelle Finance ծրագրի տնօրեն Ջեֆրի Լիբերթը, հայտնում է «Ամերիկայի ձայնը»: «Gazelle եզրն առաջ է քաշել MIT համալսարանի տնտեսագետներից մեկը, որն այդպես է բնութագրել փոքր և միջին արագ զարգացող ընկերությունները»,- ասել է ծրագրի ղեկավար Ստեֆանի Քոմսը: Հայաստանն ու Վրաստանն այն երկրներն են, ուր առաջին անգամ կիրականացվի այս ծրագիրը: 28 միլիոն դոլարանոց հիմնադրամը, համագործակցելով տեղի բանկերի հետ, 100.00 մինչև 1 միլիլոն դոլարի վարկեր կտրամադրի տնտեսության տարբեր ճյուղերի հայկական և վրացական փոքր ու միջին ձեռնարկություններին: «Ընտրված երկրները շատ ճիշտ են ծրագրի մեկնարկի համար: Դրանք համեմատաբար փոքր երկրներ են, որտեղ առևտրային հաշվեկշռիռը հավասարակշռված է, տնտեսությունում և կառավարման համակարգում իրականացվել են բարեփոխումներ: Սա նոր նախաձեռնություն է, և մենք չափազանց ոգևորված ենք»,- ասել է Ստեֆանի Քոմսը։ «Եվրասիա» հիմնադրամը երկար տարիներ տարբեր ծրագրեր է իրականացնում Հայաստանում փոքր և միջին ձեռնարկատիրության զարգացման ոլորտում: Հիմնադրամի նախագահ Հորթն Բիբի-Սենթրը երախտագիտություն է հայտնել ԱՄՆ-ի միջազգային զարգացման գործակալությանը նախկինում այս ոլորտում հիմնադրամին աջակցելու համար և ընդգծել Gazelle- կարևրությունը Հայաստանի փոքր և միջին ձեռներեցության կարողության զարգացման հարցում: «Եվրասիա» հիմնադրամը դիտարկում է Gazelle-ը որպես կարևոր կամուրջ փոքր ձեռներեցության երազանքներն ու նրանց կարողությունները միացնելու հարցում, որոնք այդ ընկերություններին կտրամադրեն համապատասխան միջոցներ աճելու և ընդլայնվելու համար»,- ասել է Բիբի-Սենթրը Միջոցառմանը ներկա Հայաստանի դեսպան Գրիգոր Հովհաննիսյանը ևս ողջունել է նախաձեռնությունը: «Շատ հեռանկարային մոտեցում է: 5 տարի ծրագրավորման արդյունքում, կարծում եմ, բազմաթիվ հայկական ընկերությւոններ, որոնք արագ են աճում, ֆինանսավորման լրացուցիչ աղբյուրներ կունենան»,- ասել է դեսպան Հովհաննիսյանը: Ծրագրի ներկայացուցիչները միջոցառմանն անդրադառձել են ծրագրի բովանդակությանը՝ ընդգծելով, որ Gazelle Finance-ին մասնակից ձեռնարկությունները կհամապատասխանեն տեղական օրենսդրությանն ու ծրագրի պահանջներին: «Մեր կողմից տրամադրվող միջոցները 5 տարով են և չափազանց հարմարավետ են ընկերությունների համար: Այն չափազանց օգտակար կարող է լինել հատկապես բիզնեսի սկզբնական փուլում»,- ասել է Ջեֆրի Լիբերթը։ «Մենք փնտրում ենք այն ձեռնարկությունները, որոնք ունեն կայուն ցուցանիշներ, արագ զարգացող ընկերություններ, որոնք կարող են առաջ մղել տնտեսությունը»,- ասել է Ստեֆանի Քոմսը: Հայաստանում և Վրաստանում ծրագրի հաջողության դեպքում այն կշարունակվի Ղրղըզստանում և Մոլդովայում: Ինչպիսի արդյունքներ կունենա Gazelle-ը, ցույց կտա ժամանակը: Հայտնի է, որ փոքր ու միջին ձեռներեցության զարգացման խնդիրը շարունակում է չափազանց արդիական մնալ Հայաստանի, Վրաստանի և հետխորհրդային այլ երկրների համար: Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | Սիմոնյանը Ժնևում քննարկումներ է ունեցել Կանադայի սենատի նախագահի և Քաթարի խորհրդարանի փոխխոսնակի հետ Քննարկվել են մի շարք փոխադարձ հետաքրքրություն ներկայացնող հարցեր Միրզոյանը Նիդերլանդների ԱԳ նախարարի հետ հանդիպմանն անդրադարձել է տարածաշրջանային հարցերի Միրզոյանը շեշտել է Ալմաթիի հռչակագրի հիման վրա սահմանազատման հստակության ապահովման կարևորությունը Միրզոյանը ԵԽ մարդու իրավունքների հանձնակատարի հետ հանդիպամնն անդրադարձել է Բաքվում պահվող հայերի ազատ արձակման խնդրին Անդրադարձ է կատարվել նաև հումանիտար բնույթի հարցերի Բագրատ սրբազանը՝ վարչապետի թեկնածու առաջադրվելու մասին․ Պաշտոնական որոշում չկա Նա նշել է, որ մյուս կիրակի է հանդիպելու Ամենայն հայոց կաթողիկոս Գարեգին Երկրորդի հետ |