Իլոն Մասկը մարդու ուղեղը համակարգչին միացնելու առաջին արդյունքները կներկայացնի 4 տարուց

21 ապրիլի 2017 - 14:15 AMT

PanARMENIAN.Net - Tesla և SpaceX ընկերությունների հիմնադիր, գործարար Իլոն Մասկը հաստատել է, որ կղեկավարի Neuralink ծրագիրը, որը սկսել է մշակել «նեյրոնային ժանյակներ» նախագիծը: Այդ մասին հայտնում է Gazeta.ru-ն TechCrunch-ի վրա հղումով:

«Նեյրոնային ժանյակները» կոչված է ապահովելու մարդկային ուղեղի և սարքի այսպես կոչված սիմբիոզը՝ հետագայում թեթևացնելու համար արհեստական ինտելեկտի կիրառումն ուղեղային ակտիվությունն ավելացնելու համար: Բացի այդ, համապատասխան բժշկական թեստերից հետո Neuralink տեխնոլոգիան կարող է օգնել ուղեղի ծանր հիվանդություններից տառապող մարդկանց: Ըստ Մասկի, խոսքը քաղցկեղային հիվանդությունների, ինսուլտի և այլ հիվանդությունների մասին է:

Մասկը խոստացել է ստարտափի առաջին արդյունքները ներկայացնել առաջիկա 4 տարում:

Նախագծով նախատեսվում է նաև ստեղծել նյարդաինտերֆեյսի տարբերակ, որը նախատեսված է նաև առողջ մարդկանց համար, որոնք կարող է են գործակցել համակարգիչների և միմյանց հետ: Ինչպես կարծում է Մասկը, այդ տեխնոլոգիան կարող է առևտրայնացվել 8-10 տարի անց, սակայն ժամկետը կախված կլինի օրենսդրական սահմանափակումներից և ուղեղի վնասվածքներով մարդկանց թեստավորման արդյունքներից, հայտնում է NEWSru-ն:

Հղումներ թեմայով.

Reuters. Elon Musk on mission to link human brains with computers in four years: report

NEWSru: Илон Маск подтвердил, что его новая компания работает над созданием нейроинтерфейса для подключения мозга к компьютеру