Զախարովան «գռեհիկ» է անվանել ադրբեջանցի լրագրողների հոդվածները28 ապրիլի 2017 - 12:16 AMT PanARMENIAN.Net - ՌԴ ԱԳՆ պաշտոնական ներկայացուցիչ Մարիա Զախարովան ճեպազրույցում իր վրդովմունքն է հայտնել ադրբեջանական ԶԼՄ-ներում հրապարակումների վերաբերյալ: Հրապարակումներն ադրբեջանական ԶԼՄ-ների արձագանքն են Զախարովայի տեղակալ Արտյոմ Կոժինի մեկնաբանությանն Արցախում ձերբակալված և պատիժը կրող ադրբեջանցի դիվերսանտ Դիլհեմ Ասկերովի վերաբերյալ, որը նաև ՌԴ քաղաքացի է: «Ես կարդացել եմ ադրբեջանական ԶԼՄ-ներում հրապարակված հոդվածները: Դրանք ոչ թե վերլուծություն են կամ քննադատություն, այլ ուղղակի գռեհիկ նյութեր են: Եվ դրանից հետո խնդրո՞ւմ եք, որ ավելի մանրամասն տեղեկություններ ներկայացնեմ: Այդպիսի հոդվածներից հետո նույնիսկ շփվելու ցանկություն չկա, անկեղծ ասած: Մենք բաց ենք ԶԼՄ-ների համար, սակայն ոչ ոք թույլ չի տալիս գռեհիկ արտահայտվել»,-ասել է Զախարովան՝ պատասխանելով ադրբեջանցի լրագրողի հարցին, թե ինչ ջանքեր է գործադրում ՌԴ ԱԳՆ-ն Դիլհեմ Ասկերովին ազատելու համար: «Դա լրագրողական աշխատանք չէ: Դա գռեհիկություն է: Չեմ կարող այլ կերպ բնութագրել: Մի բան է տեղեկացնել սեփական հանրությանը, այլ բան՝ մշտապես խնդրահարույց հարցերն օգտագործել երկու ժողովրդների և երկրների միջև հակակրանք բորբոքելու համար: Սակայն, դա նրանց չի հաջողվի: ...Անհասկանալի է, թե ինչու են լրագրողներն ուզում վնասել երկկողմ հարաբերություններին: Պետք է նրանց հարցնել, արդյոք դա օգուտ է բերում հենց Ադրբեջանին»,-ասել է Զախարովան: Ավելի վաղ ՌԴ ԱԳՆ-ն հորդորել էր Բաքվին դադարեցնել քարոզչական աղմուկը ՌԴ քաղաքացի Դիլհամ Ասկերովի գործի շուրջ, որին 2014-ի դեկտեմբերին Արցախում ցմահ ազատազրկման են դատապարտել: Ի պատասխան ադրբեջանական ԶԼՄ-ների այն հարցին, թե արդյոք ՌԴ-ն միջոցներ ձեռնարկում է պաշտպանելու համար ՌԴ քաղաքացի Ասկերովին, ՌԴ ԱԳՆ-ն հայտարարել է, որ «զգացված է ադրբեջանական ԶԼՄ-ների չթուլացող ուշադրությունից» և հավաստիացրել, որ ՌԴ ԱԳՆ-ն հետևողականորեն պաշտպանում է իր բոլոր քաղաքացիների իրավունքներն անկախ ազգությունից: ԼՂՀ ընդհանուր իրավասության առաջին ատյանի և Վերաքննիչ դատարանների վճիռներով Դիլհամ Ասկերովը դատապարտվել է ցմահ, իսկ Գուլիևը՝ 22 տարվա ազատազրկման: Ադրբեջանցի դիվերսանետներ Դիլհամ Ասկերովը, Շահբազ Գուլիևը և Հասան Հասանովը Լեռնային Ղարաբաղի տարածք էին ներթափանցել հուլիսի 10-ին Քարվաճառի ուղղությամբ ձեռնարկած հետախուզադիվերսիոն փորձի արդյունքում, որը կասեցվել էր: Դիվերսիոն խմբի չեզոքացման ժամանակ զոհվել էր հայ սպա և վիրավորվել մեկ կին: Դիվերսանտները սպանել էին նաև Շահումյանի շրջանի Նոր Էրքեջ գյուղի բնակիչ, 1997թ. ծնված Սմբատ Ցականյանին: Հուլիսի 14-ին Քարվաճառում ավարտվել էր ադրբեջանական դիվերսիոն-հետախուզական խմբի վնասազերծման գործողությունը, որի արդյունքում դիվերսանտ Հասան Հասանովը սանվել էր: Նրա դին ԼՂՀ իշխանությունները հոկտեմբերի 2-ին հանձնել են ադրբեջանական կողմին:Ադրբեջանական կողմը մշտապես փորձել է դիվերսանտներին փոխանակել մեկ գերի ընկած Հակոբ Ինջիղուլյանի, մեկ քրեական գործից Ադրբեջան փախած Եղիշե Գևորգյանի և նրա ընտանիքի անդամների հետ, մեկ գերությունից մեկ օր անց մահացած խաղաղ բնակիչ Կարեն Պետրոսյանի մարմնի հետ, սակայն ամեն անգամ մերժում է ստացել: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Միրզոյանն ու Բայրամովն Ալմաթիում կհանդիպեն մայիսի 10–ին Հանդիպումը կկայանա Ղազախստանի հրավերով, որը հարթակ է տրամադրում Խաժակյան․ 2018-ից ի վեր Բագրատ սրբազանի առաջնորդած շարժումը միակն է, որը խնդիր չի դնում «ոչնչացնել հակառակորդին» Նա հավելել է, որ օրակարգը հանուն է, իսկ առարկայական ծրագիրը, հավանաբար, առաջիկայում կհստակեցվի Թորոսյան. Ուզում են առանց ընտրությունների իշխանություն վերցնել Նա նշել է նաև, որ խոսքի և հավաքների ազատության իրավունքը կարող է իրացվել նաև ընդդեմ իշխանությունների Հայտարարություն․ Բագրատ սրբազանը ներկայացված է միայն Facebook-ում և բացառապես իր անձնական էջով Նշվում է, որ նրա անունից բացվող որևէ էջ կապ չունի ոչ շարժման, ոչ էլ սրբազանի հետ |