Նոյեմբերի 3-ին Ստամբուլում կբացվի Իրաքի շուրջ բանակցությունների երկրորդ փուլը 3 նոյեմբերի 2007 - 15:41 AMT PanARMENIAN.Net - Նոյեմբերի 3-ին Ստամբուլում բացվում է Իրաքում անվտանգության եւ կայունության ապահովման շուրջ միջազգային բանակցությունների երկրորդ փուլը: Գագաթնաժողովին կմասնակցեն Իրաքի հարեւան վեց երկրների արտգործնախարարներ, այդ թվում Սիրիայի եւ Իրանի նախարարները, ինչպես նաեւ Մեծ ութնյակի երկրների, ՄԱԿ-ի եւ մի շարք միջազգային արաբական կազմակերպությունների ներկայացուցիչներ: Զինված հակամարտությունը թուրքական բանակի եւ քրդական գրոհայինների միջեւ Իրաքի հետ սահմանում կարող է դառնալ բանակցությունների կենտրոնական թեմաներից մեկը: ԱՄՆ Պետքարտուղար Քոնդոլիզա Ռայսը, որը մտադիր է հանդես գալ միջնորդի դերում, զսպվածության կոչ է արել իրաքյան եւ քրդական կողմերին: Իրաքի իշխանությունները խոստովանել են, որ ի վիճակի չեն հաղթել Թուրքիայի դեմ ռազմական գործողություններ վարող քուրդ գրոհայիններին երկրի հյուսիսում: «Մենք ոչինչ չենք կարող անել, սակայն Թուրքիայի ուժը եւս չի պատի քրդերին հաղթելու համար»,-հայտարարել է Իրաքի կառավարության մամլո քարտուղար Ալի ալ Դաբբահը: Մինչդեռ Թուրքիան գտնում է, որ ԱՄՆ-ն բավարար աջակցություն ցույց չի տալիս քուրդ գրոհայինների դեմ պայքարում եւ չի օգտագործում իր ազդեցությունը Իրաքի ղեկավարության վրա: Իր կողմից, Իրաքի վարչապետ Նուրի ալ Մալիքին գագաթնաժողովից առաջ մտավախություն հայտնեց, որ քրդական հարցը կարող է ետին պլան մղել այլ` Իրաքի համար ոչ պակաս կարեւոր հարցեր: Հիշեցնենք, որ վերջին մի քանի օրվա ընթացքում Թուրքիան օդային հարվածներ է հասցնում Իրաքում քուրդ անջատողականների դիրքերի վրա: Թուրքական բանակի ստորաբաժանումներն անցել են Իրաքի սահմանը եւ ռազմական գործողություններ են ծավալել քուրդ գրոհայինների դեմ: Associated Press-ի տվյալներով, անցած ամիս ռազմական գործողությունների ընթացքում զոհվեցին շուրջ 40 հոգի, հաղորդում է Լենտա.ռու-ն: Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար | Բագրատ սրբազան․ Բաքվի հետ բանակցությունները պետք է լինեն երաշխավորների առկայությամբ, լավագույն հարթակը ՄԽ–ն է «Մենք իրական բանակցությունների կողմնակից ենք, ոչ թե պարտադրանքների, ուժի սպառնալիքի»,–ասել է նա Դեբեդ, Աղստև գետերի ավազաններում և Սևանի հարավային ափում ջրի ելքերի կմեծանան Սևանում տեղատարափ անձրև է Ֆրանսիացի ճարտարապետի Կասկադի ավարտուն տեսքի հայեցակարգային առաջարկը քննարկվել է քաղշին խորհրդում Ներկայացվել է նաև հայեցակարգի վերաբերյալ տեսանյութ Փաշինյանն աղետի գոտի է այցելել Նա այցելել է Վանաձոր-Ալավերդի միջպետական ճանապարհի Մարց գյուղի հատված |