HBO-ն 4 նոր սերիալ կնկարահանի «Գահերի խաղը» սերիալի մոտիվներով

5 մայիսի 2017 - 16:51 AMT

PanARMENIAN.Net - HBO կինոընկերությունը 4 նոր սերիալ կնկարահանի «Գահերի խաղը» սերիալի մոտիվներով, ընկերությունը 4 սցենարիստի կներգրավի:

Սերիալների վրա կաշխատեն Մաքս Բորենշտայնը («Կոնգ. Գանգի կղզին» 2017 և «Գոձիլա» 2014), Ջեյն Գոլդմանը («Kingsman. Ոսկե մատանի», 2017), Բրայան Հելգելենդը («Առասպելը», 2015 և «Բոռնի գերազանցությունը», 2004) և Քարլի Վրեյը («Ցնորվածները» սերիալ): Գոլդմանն ու Վրեյը անմիջապես «Գահերի խաղի» հեղինակ Ջորջ Մարտինի հետ կաշխատեն: Այդ մասին հայտնում է RTVi-ն Variety-ի վրա հղումով:

HBO-ի ներկայացուցիչը չի նշել, թե ինչ ժամկետներ են ներկայացվել սցենարիստներին: «Մենք այնքան ժամանակ կծախսենք, որքան հարկավոր կլինի սցենարիստներին և, ինչպես մեր մյուս հեռանկարային նախագծերի դեպքում, մենք կգնահատենք դրանք, երբ տեսնենք սցենարները»,-ասել է նա:

HBO հեռուստաալիքի «Գահերի խաղը» սերիալի վերջին 8-րդ եթերաշրջանը ընդամենը 6 սերիա կունենա: Այդպիսով վերջին եթերաշրջանն ամենակարճը կլինի՝ բոլոր նախորդ եթերաշրջանները 10 սերիայից էին բաղկացած, իսկ 7-րդը՝ 7 էպիզոդից:

«Գահերի խաղն» ամերիկացի գրող Ջորջ Մարտինի «Սառույցի և կրակի երգը» վիպաշարի հիման վրա նկարահանվող հեռուստասերիալ է: Նախագիծը ղեկավարում են Դեվին Բենիոֆն ու Դենիել Վայսը, նկարահանումներն ընթանում են Իսլանդիայում, Մալթայում, Մարոկոյում, Խորվաթիայում, Հյուսիսային Իռլանդիայում: Սերիալը ցուցադրվում է 2011-ից, 2016-ի դրությամբ նկարահանված է 6 եթերաշրջան: Նախագիծը բազմաթիվ հեռուստատեսային մրցանակների է արժանացել, միաժամանակ հաճախ քննադատվում է բաց կամ դաժան տեսարանների ցուցադրության համար:

Ընթերցեք նաև.Իսլանդական կրոնան արժևորվել է «Գահերի խաղի» շնորհիվ

Հղումներ թեմայով.

RTVi: HBO снимет четыре новых сериала по мотивам «Игры престолов»