 Մովսիսյանը պատմել է, թե ինչու է հեռացել «Սպարտակից» (վիդեո)  2 հունիսի 2017 - 16:19 AMTPanARMENIAN.Net - ՌԴ համազգային մարզական «Մատչ ՏՎ» հեռուստաալիքը ռեպորտաժ է պատրաստել «Ռեալ Սոլթ Լեյքում» հանդես եկող Յուրա Մովսիսյանի մասին, որը հարցազրույցում պատմել է ռուսական «Սպարտակում» կարիերայի, «Ռեալ Սոլթ Լեյք» տեղափոխվելու մասին: «Այստեղ «Ռեալ Սոլթ Լեյքում» այն խելահեղ ֆուտբոլը չկա, որը կար «Սպարտակում»: Ես տարբեր ակումբներում եմ խաղացել, բայց «Սպարտակը» «Սպարտակ» է մնում: Նրանք լավագույնն են և վերջապես ապացուցեցին դա: Դա երկրի լավագույն ակումբն է», -ասել է Մովսիսյանը՝ խոսելով ՌԴ առաջնությունում ակումբի հաղթանակի մասին: Մովսիսյանն, անդրադառնալով իր հաջողություններին «Սպարտակում», նշել է, որ դա այն է, ինչ նա կհիշի ամբողջ կյանքում: «Դա իմ ռեկորդներից մեկն է Ռուսաստանում, որը մինչ օրս չի գերազանցվել: Եթե ինչ-որ մեկը «Սպարտակի» կազմում իր առաջին խաղում 3 գոլ խփի, ես անպայման կշնորհավորեմ նրան»,-ասել է Մովսիսյանը՝ խոստովանելով, որ հետևում է «Սպարտակի» խաղերին և շփվում է ֆուտբոլիստների հետ: Խոսելով այն մասին, թե ինչու է հեռացել ռուսական ակումբից, Մովսիսյանն ասել է, որ իր համար միշտ ամենակարևորը եղել է ընտանիքը, որից դժվար էր հեռու մնալ: «Այդ 5 տարին հիանալի տարիներ էին ինձ համար: Երբ ես խաղում էի «Սպարտակում», դա իմ կարիերայի լավագույն շրջանն էր: Ոչ մի այլ պատճառ չի եղել, ես ուղղակի ցանկանում էի վերադառնալ ԱՄՆ, այնտեղ, որտեղ լավ է իմ կնոջ ու երեխաների համար», - ասել է Մովսիսյանը: 2013-ին Յուրա Մովսիսյանը տեղափոխվեց «Սպարտակ»: 2016-ի հունվարին հարձակվողը վարձակալվեց MLS-ի «Ռեալ Սոլթ Լեյք» ակումբի կողմից: Համաձայնագիրն ուժ մեջ էր մինչև 2016-ի դեկտեմբերի 1-ը: Հոկտեմբերին ամերիկյան ակումբը գնեց Մովսիսյանի տրանսֆերը «Սպարտակից»: Ընթերցեք նաև. Յուրա Մովսիսյանը MLS 2017-ի ամենաբարձր վարձատրվող ֆուտբոլիստների 15-յակում է   Ուշագրավ Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա Հավանայում կայացել է Ծանրամարտի միջազգային ֆեդերացիայի նիստը Բարսեղյանը ամբողջ 5 կգ-ով առաջ է անցել երկրորդը ճանաչված Սաուդյան Արաբիայի պատվիրակից   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
