 The Economic Times. Հայաստանը նկարազարդ բացիկ է 12 հունիսի 2017 - 15:25 AMT PanARMENIAN.Net - The Economic Times անգլալեզու հնդկական օրաթերթը Հայաստանին նվիրված հոդված է տպագրել, որում պատմել է երկրի անցյալի և ներկայի, բնական գեղեցկության և տեսարժան վայրերի մասին: «Անխռով բնապատկերներ, վանքեր` շրջապատված գլխապտույտ լանդշաֆտներով, կարկաչուն գետակներ. Հայաստանը նկարազարդ բացիկ է: Լինելով քաղաքակրթության օրրաններից մեկը` Հայաստանը 301-ին առաջինը քրիստոնեությունը որպես պետական կրոն ընդունած երկիրն է: Հայասատանը Թուրքիայի, Վրաստանի, Ադրբեջանի, Ռուսաստանի և Իրանի հարևանն է և գտնվում է աշխարհաքաղաքական և մշակութային խաչմերուկում», - նշվում է հոդվածում, հայտնում է «Նովոստի Արմենիան»։ Հեղինակներն առաջին հերթին այցելել են Կասկադ` Երևանի կենտրոնում գտնվող մասշտաբային համալիր`շատրվաններով, ցուցասրահներով և պատկերասրահներով, որտեղից հրաշալի տեսարան է բացվում դեպի Արարատ լեռը, որտեղ, լեգենդի համաձայն, հանգրվանել է Նոյյան տապանը: Երևանում երկրորդ կանգառը Մատենադարանն է` հնագույն ձեռագրերի թանգարան–պահոցը, որտեղ հեղինակները ծանոթացել են միջնադարյան ձեռագրերին և փաստաթղթերին, որոնցում ներկայացված է ամեն ինչ` սկսած երկրաչափությունից ու տիեզերաբանությունից, մինչև աստվածաբանություն և պոեզիա: «Հրաբխային քարերից կառուցված շենքերը Երևանին հաղորդում են վարդագույն լուսավորում, այն նաև «Վարդագույն քաղաք» են անվանում»,-ասվում է հոդվածում: Հեղինակները նաև այցելել են Ծիծեռնակաբերդի հուշահամալիր և հարգել Օսմանյան Թուրքիայում 1915 թ.-ին տեղի ունեցած Հայոց ցեղասպանության 1,5 մլն զոհերի հիշատակը: Հայաստանի մայրաքաղաք Երևանի սահմաններից դուրս հյուրերն այցելել են Խոր Վիրապի վանք, որը տեղակայված է Երևանից 30 կմ հարավ, ինչպես նաև Տաթևի վանական համալիր, որը կառուցվել է Որոտան գետի խոր կիրճում` սարահարթի վրա, որտեղ գործում է աշխարհի ամենաերկար հետադարձելի ճոպանուղին:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
