Նոր ճոպանուղին կարող է Երևանի բարձրադիր հատվածները կապել Կենտրոնին14 հունիսի 2017 - 11:55 AMT PanARMENIAN.Net - «Երևաննախագիծ» ընկերությունը, Երևանի քաղաքապետարանի պատվերով, աշխատում է մայրաքաղաքում նոր ճոպանուղի կառուցելու նախագծի վրա: Ծրագրի նպատակն է քաղաքի կենտրոնը միացնել այլ համայնքների՝ Քանաքեռ-Զեյթուն, Նորք-Մարաշ, Նոր Նորք, Արաբկիր կամ Աջափնյակ վարչական շրջանների հետ: «Լինելու է տրանսպորտային միջոց և ոչ թե ֆունիկուլյոր, որը միացնելու է երկու վարչական շրջան: Նոր ճոպանուղին ծրագրում ենք, որ լուծի տրանսպորտային խնդիր, ասենք, Նոր Նորքը միացնի Կենտրոնի հետ», - ասել է «Երևաննախագիծ» ընկերության տնօրեն Սիրեկան Օհանյանը, հաղորդում է Aysor.am-ը: Նա տեղեկացրել է, որ այս պահին համագործակցում են Լիոնի քաղաքապետարանի ու քաղաքաշինական գործակալության հետ՝ ծրագիրն ավելի ռեալ դարձնելու, այն հարստացնելու և հնարավոր ներդրողներ գտնելու ուղղությամբ։ Բացի այդ, Օհանյանի խոսքով, քաղաքապետարանի հանձնարարությամբ իրենք աշխատում են ֆրանսիական MDP Urban Concept մասնագիտացված ընկերության հետ համատեղ, որն օգնում է տեխնիկական առաջադրանքներն հասկանալու համար: «Հետագայում պետք է արդեն հասկանանք, թե ինչ միջոցներով պետք է դա կառուցենք, որովհետև բավականին լուրջ միջոցներ են նախատեսվելու, իսկ քաղաքն այդ միջոցները չունի», - ասել է Օհանյանը: Ավելի վաղ Երևանում ներդրումային դաշտի ակտիվացմանն ու զարգացմանն առնչվող հարցեր են քննարկվել Երևանի քաղաքապետի տեղակալ Վահե Նիկոյանի և IDeA հիմնադրամի («Հայաստանի զարգացման նախաձեռնություններ») տնօրեն Էդգար Մանուկյանի հանդիպման ժամանակ: Մասնավորապես ներկայացվել են հիմնադրամի կողմից մշակված զբոսաշրջության զարգացմանն ուղղված` Երևանում նոր ճոպանուղու կառուցման, Հաղթանակ զբոսայգու վերակառուցման, ինչպես նաև Էրեբունի պատմահնագիտական արգելոցի զարգացման ներդրումային ծրագրերի առաջարկները: Կարդացեք նաև՝ IDeA-ն առաջարկում է Երևանում նոր ճոպանուղի կառուցել Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը ՀՀ և Մալթայի ԱԳ նախարարները քննարկել են ԵԱՀԿ գործունեությանն ու Ադրբեջանի հետ կարգավորման զարգացումները Հայաստանի և Մալթայի ԱԳ նախարարներն անդրադարձել են տարածաշրջանային հարցերի Eurowings–ը Բեռլին-Երևան ուղղությամբ թռիչքներ է սկսել Չվերթերը կիրականացվեն շաբաթական մեկ չվերթ |