  Թուրքիան մեղադրում է ԵՄ-ին քուրդ անջատողականներին սատարելու համար12 դեկտեմբերի 2007 - 12:33 AMT PanARMENIAN.Net - Թուրքիայի զինված ուժերի հրամանատարությունը մեղադրել է Եվրամիության մի շարք երկրներին` Քրդստանի աշխատավորական կուսակցությանն աջակցելու համար: «ԵՄ մի շարք երկրների դիրքորոշումն ու գործողությունները, որոնց թվում կան ՆԱՏՕ-ի գծով մեր դաշնակիցները, նպաստում են այդ ահաբեկչական կազմակերպության կողմից իր գործունեության համար նոր վայրերի որոնմանը»,-հայտարարել է Թուրքիայի Գլխավոր շտաբի պետի առաջին տեղակալ, բանակի գեներալ Էրգին Սայգունը: Նրա կարծիքով, ԵՄ-ն վերջերս «հուսադրող քայլեր էր ձեռնարկել ՔԱԿ-ին դիմակայելու հարցում»: «Միեւնույն ժամանակ, ՔԱԿ-ի ներկայացուցիչներն ու կողմնակիցները քարոզչական խորհրդաժողովներ են անցկացնում Եվրախորհրդարանում, ինչպես նաեւ Ֆրանսիայի եւ Մեծ Բրիտանիայի օրենսդիր ժողովներում: Աջակցությունը քուրդ անջատողականներին այդ թվում նման միջոցառումների անցկացումը, համազոր է Թուրքիային նյութական վնաս հասցնելու եւ ահաբեկչության դեմ պայքարում մարդկանց զոհերի համար ահաբեկիչների հետ պատասխանատվությունը կիսելուն»,-նշել է Սայգունը: Գեներալը կոչ է արել ԵՄ երկրներին ակտիվ եւ համատեղ գործողություններ վարել ՔԱԿ-ին հակազդելու նպատակով, այդ թվում այնպիսի հարցերում, ինչպիսին է թմրանյութերի եւ Եվրոպայում մարդկանց մաքսանենգությունը, հաղորդում է ՌԻԱ Նովոստին: Հիշեցնենք, որ Իրաքի հետ սահմանին տեղակայված է թուրքական զորքերի գրեթե 100-հազարանոց խմբավորում, որը գործողություններ է անցկացնում սահմանամերձ շրջաններում քրդերի զինված ջոկատների դեմ, որոնք պայքարում են սեփական պետություն ստեղծելու համար:   Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Բաժիններ թեմայով Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
