Զինծառայողների ապահովագրությանը բոլորից շատ նվիրաբերել են ՀՀ-ից ու Կիպրոսից

PanARMENIAN.Net - Զինծառայողների ապահովագրության հիմնադրամը հունվարի 1-ից հուլիսի 20-ը ընկած ժամանակահատվածում տարբեր երկրներից նվիրաբերություններ է ստացել:

Առավել շատ նվիրաբերություններ են ստացվել Հայաստանի Հանրապետությունից և Կիպրոսից (համապատասխանաբար՝ 50.582.362 ՀՀ դրամ և 4,800,000 ՀՀ դրամ), իսկ երրորդ առավել շատ նվիրաբերություններ իրականացրած պետությունն է Ռուսաստանը (2.616.390 ՀՀ դրամ): Մնացած երկրների շարքին կարող եք ծանոթանալ ստորև:

Ռումինիայից նվիրաբերվել է 1.081.599 ՀՀ դրամ, Շվեյցարիայից՝ 385.000 ՀՀ դրամ, Քաթարից՝ 201.600 ՀՀ դրամ, ԱՄՆ-ից՝ 185.800 ՀՀ դրամ, Կանադայից՝ 2.438.400 ՀՀ դրամ, Գերմանիայից՝ 38.500 ՀՀ դրամ, անհայտ՝ 29000 ՀՀ դրամ, Մեծ Բրիտանիայից՝ 5000 ՀՀ դրամ, Օմանից՝ 1000 ՀՀ դրամ, Դանիայից՝ 50,000 ՀՀ դրամ, Շվեդիայից՝ 5000 ՀՀ դրամ: