Ծիրանի արտահանումն աննախադեպ աճել է, ելակինը՝ կրկնապատկվել26 հուլիսի 2017 - 13:40 AMT PanARMENIAN.Net - Հուլիսի 26-ի դրությամբ հանրապետությունում վերամշակող ընկերությունների կողմից մթերվել է 10.500 տոննա պտուղ-բանջարեղեն, որից 1330 տոննան՝ բանջարեղեն, 9170 տոննան՝ պտուղ: Այդ մասին հայտարարել է ՀՀ գյուղատնտեսության նախարարի տեղակալ Ռոբերտ Մակարյանը լրագրողների հետ հանդիպմանը: Նա նշել է, որ 7300 տոննան եղել է ծիրան. «Նախորդ տարվա նույն ժամանակահատվածի համեմատ վերամշակող ընկերությունների կողմից մթերվել է 7100 տոննա պտուղ-բանջարեղեն: Այսինքն՝ այս տարի մոտ 67 տոկոսով ավելի պտուղ-բանջարեղեն են մթերել ընկերությունները», հայտնում է Panorama.am-ը։ Ինչ վերաբերում է արտահանմանը, ապա հուլիսի 26-ի դրությամբ` Հայաստանից արտահանվել է 65.000 տոննա պտուղ-բանջարեղեն: 2017-ին, ըստ փոխնախարարի, արդեն 26.000 տոննա ծիրան է արտահանվել, նախորդ տարի այն կազմել է 19.900 տոննա: «Վերջին 7 տարիների ընթացքում նման ցուցանիշ չի արձանագրվել: Ծիրանի արտահանումը շարունակվում է, քանի որ սառնարաններում դեռևս մնացել է պահեստավորված ծիրան»,- ասել է Ռոբերտ Մակարյանը: Փոխնախարարը նշել է, որ աճել է նաև ելակի արտահանումը, մասնավորապես, հանրապետությունից արտահանվել է մոտ 2500 տոննա, որը երկու անգամ գերազանցել է նախորդ տարվա ծավալը: Հանրապետությունից արտահանվել է նաև 5400 տոննա կարտոֆիլ, նախորդ տարվա համեմատ դա երեք անգամ ավելի է: Արտահանման հիմնական երկրներն են` Ռուսաստանի Դաշնություն` 62.000 տոննա, Վրաստան, ԱՄԷ, Բելառուս և Ուկրաինա: Հղումներ թեմայով. Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |