Ֆրանսահայ պատգամավոր. Մակրոնը բավականին ակտիվ կարող է լինել ԼՂ հիմնախնդրի հարցում10 հոկտեմբերի 2017 - 17:36 AMT PanARMENIAN.Net - Ֆրանսիայի խորհրդարանում հայկական ծագում ունեցող երեք պատգամավոր կա, որոնք նախագահ Էմանուել Մակրոնի կուսակցությունից են: Այդ մասին հայտարարել է մասնավոր այցով Հայաստանում գտնվող Ֆրանսիայի Ազգային ժողովի հայազգի պատգամավոր Դանիել Կազարյանը: Նա Հայաստանում է քաղաքացիություն ստանալու նպատակով: «Երեկվանից ես ինձ համարում եմ ֆրանսիական և հայկական խորհրդարանական, որը ներկայացնում է նաև Հայաստանը»,-նշել է նա, հայտնում է Panorama.am-ը: Խոսելով ղարաբաղյան հիմնախնդրի մասին, նա կարծիք է հայտնել, որ մոտ ապագայում հակամարտությունը լուծում կգտնի, նաև հույս հայտնել, որ ներկայիս նախագահ Մակրոնը, ինչպես նախկին նախագահ Օլանդը, կշարունակի իր ջանքերը հիմնախնդրի խաղաղ կարգավորման ուղղությամբ: «Ինձ թվում է՝ մի քիչ ժամանակ պետք է տանք մեր նորընտիր նախագահ Էմանուել Մակրոնին: Ոչ մի կասկած չկա, որ նա բավականին ակտիվ կարող է լինել այս խնդրում, ինչպես մյուս համանախագահող երկրները՝ Ռուսաստանն ու ԱՄՆ-ն»,-ասել է նա: Խոսելով հայ-ֆրանսիական հարաբերությունների մասին, նա նշել է, որ նախկին նախագահ Օլանդի օրոք գործում էր Հայաստան-Ֆրանսիա բարեկամական խումբը, որը բավականին ակտիվ էր, խմբում ներառված էին տարբեր խմբակցություններից և կուսակցություններից 60 խորհրդարանական: Ֆրանսահայ պատգամավորն ասել է, որ Ֆրասիայում կայացած խորհրդարանական ընտրություններից հետո այժմ այդ խումբը նոր-նոր է ձևավորվում. «Աշխատում ենք այդ խումբը ձևավորելու ուղղությամբ, ցանկանում ենք, որ ավելի շատ խորհրդարանականներ ընդգրկվեն: Մեր գլխավոր դերը լինելու է էլ ավելի զարգացնել երկու երկրի միջև գոյություն ունեցող մշակութային, տնտեսական, քաղաքական կապերը»: Նա նշել է, որ չի եղել Արցախում, բայց շատ է ցանկանում. «Ժամանակ ունենալու դեպքում սիրով կգնամ: Հաջորդ անգամ կուզեմ գնալ»: Ինչ վերաբերում է ֆրանսահայ համայնքին, Կազարյանն ասել է, որ այն բավականին ուժեղ կառուցվածք ունի: Նրա խոսքով, համայնքի նպատակն է Հայաստանի և Ֆրանսիայի միջև էլ ավելի զարգացնել տնտեսական կապերը: «Հայաստանը կարիք ունի տնտեսական զարգացման, որպեսզի կարողանա ունենալ նաև քաղաքական ուժ, որը թույլ կտա հայ երիտասարդներին մնալ իրենց երկրում, հայրենիքում»,- ասել է ֆրանսահայ խորհրդարանականը: Մայիսի 7-ին Ֆրանսիայի նախագահական ընտրությունների 2-րդ փուլում ավելի քան 66%-ով հաղթել է Էմանուել Մակրոնը: Ընթերցեք նաև.Երբ նախագահ Մակրոնը դեռ թեկնածու էր. Ցեղասպանության, ԼՂ խնդրի, հայկական համայնքի մասին Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | Արցախի ՄԻՊ. Արցախցի քաղաքապետերի դեմ քրվարույթները քաղենթատեքստ ունեն Նա պատահական չի համարում, որ այդ անհիմն վարույթները մեկնարկեցին Բագրատ սրբազանի հետ նրանց հանդիպումից հետո «Լեռնային Ղարաբաղ. վտանգված հայկական ժառանգություն» խորագրով ցուցահանդես՝ Կանադայի խորհրդարանում Ցուցադրվել են կանադահայ լուսանկարիչ Հրայր «Բազե» Խաչերյանի աշխատանքները Փաշինյանը Բաղանիսում և Ոսկեպարում հանդիպումներից հետո հասել է Կիրանց Կիրանցում լարված իրավիճակ է, գյուղում է նաև ոստիկանապետը ԱԺ պատվիրակությունը մասնակցում է ՆԱՏՕ-ի խորհրդարանական վեհաժողովի աշխատանքներին Պատվիրակությունը գլխավորում է Անդրանիկ Քոչարյանը |