«Կոմերսանտ». ՀՀ-ն առաջարկում է հետաձգել իր համար ԵՏՄ նոր պահանջների կիրառումը ծխախոտի արտադրությունում13 հոկտեմբերի 2017 - 13:54 AMT PanARMENIAN.Net - Հայաստանը առաջարկում է 8 ամսով հետաձգել իր համար նոյեմբերի 15-ին ուժի մեջ մտնող ԵՏՄ տեխնիկական կանոնակարգի կատարումը ծխախոտի արտադրության համար, որով պահանջվում է սարսափելի նկարներ տեղադրել ծխախոտի տուփերի վրա: Այդ մասին գրում է ռուսական «Կոմերսանտը»: ԵՏՀ որոշման նախագծով ենթադրվում է տալ այդ հնարավորությունը Հայաստանին՝ ժամկետը երկարացնելով մինչև 2018-ի հուլիսի 15-ը: 2017-ի նոյեմբերի 15-ից ԵՏՄ երկրներում վաճառվող ծխախոտի տուփերի վրա «սարսափելի» պատկերներ կհայտնվեն։ Ըստ ԵՏՄ տեխնիկական կանոնակարգի, արտադրողները, ներկրողները և վաճառողները պետք է մինչ այդ ժամկետը հասցնեն պատկերները տեղադրել տուփերի վրա: ԵՏՀ-ում հաստատել են, որ ՀՀ առաջարկն այժմ քննվում է: ԵՏՀ կոլեգիայի նախագահ Տիգրան Սարգսյանին այս հարցով դիմել էր ՀՀ փոխվարչապետ Վաչե Գաբրիելյանը: Որպես պատճառաբանում նշվել է ներքին շուկայի համար տեղական արտադրության ծխախոտի հսկայական քանակը: «Եթե այդ արտադրանքը չիրացվի մինչև 2017-ի նոյեմբերի 15-ը, դա կարող է լուրջ ֆինանսական և տնտեսական կորուստների պատճառ դառնալ»,-ասվում է նամակում: Ըստ ՀՀ Ազգային վիճակագրական ծառայության, 2016-ին ՀՀ-ում արտադրվել է 23,7 մլրդ հատ ծխախոտ, ինչը 30 տոկոսով ավելի է նախորդ տարվա նույն ժամանակահատվածի ցուցանիշից: ԵՏՀ դրական պատասխանի դեպքում, մյուս արտադրողները, որոնք 18 ամսում հասցրել են նախապատրաստվել, կհայտնվեն ոչ հավասար մրցակցային պայմաններում, ասել են ռուսական ընկերություններից մեկում: Ինչպես ասել է «Ռուսկի տաբակ» մեդիախմբի գլխավոր խմբագիր Մաքսիմ Կոռոլյովը, եթե ՀՀ առաջարկությունն ընդունվի, ապա Ռուսաստանում մրցակցային առավելություն կստանա ոչ միայն հայկական օրինավոր կերպով ներմուծված ծխախոտը, այլ նաև ներքին շուկայի համար արտադրվածը, որը մեծ քանակությամբ ապօրինաբար հայտնվում է Հյուսիսային Կովկասի հանրապետություններում: Ըստ «Kantar TNS Ռոսիայի», 2017-ի մայիսին հայկական ծխախոտը ռուսական շուկայի ամբողջ ապօրինի հատվածի 2 տոկոնս էր կազմում, իսկ ՀՅուսիսային Կովկասի հանրապետություններում՝ 42 տոկոսը: Հղումներ թեմայով. Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ԻՆԳՈ-ն ապահովագրել է Career Сity Fest 2K24-ը և ներկայանում է շուկայում առաջին՝ միջոցառումների ապահովագրման պրոդուկտով Ապահովագրության պայմաններն ընտրվում են՝ հաշվի առնելով յուրաքանչյուր իրադարձության առանձնահատկությունները Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել |